A A A
  • 1935 - Soffía Einarsdóttir
14.01.2009 - 01:57 | Tilkynning

Þorrablót 2009

Frá þorrablóti 2007. Mynd: Bergþór Gunnlaugsson.
Frá þorrablóti 2007. Mynd: Bergþór Gunnlaugsson.
Hið árlega þorrablót Slysavarnardeildarinnar Varnar verður haldið laugardagskvöldið 24. janúar 2009. Þetta árið verður brugðið út af vananum og verður gestum boðið upp á að velja sér rétti af hlaðborði. Á hlaðborðinu verður hinn hefðbundni íslenski þorramatur. Ekki er búið að breyta öllum venjum og verða skemmtiatriði á sínum stað ásamt happdrættinu. Veglegir vinningar í boði. Að borðhaldi loknu verður stiginn dans, Þórunn og Halli sjá um fjörið!!

Gengið verður í hús föstudagskvöldið 16. janúar til að kanna áhuga á þátttöku.

...
Meira
13.01.2009 - 01:59 | bb.is

Úlfar ehf., bauð lægst í lóðafrágang

Tjörn á Þingeyri.
Tjörn á Þingeyri.
Bæjarráð Ísafjarðarbæjar hefur samþykkt að gengið verði til samninga við Úlfar ehf., um lóðarfrágang við dvalarheimilið Tjörn á Þingeyri, með þeim fyrirvara að staðfesting á hlut heilbrigðisráðuneytis í verkinu berist. Úlfar ehf., bauð lægst í verkið en fjögur tilboð bárust. Tilboð Úlfars hljóðaði upp á 10,7 milljónir króna eða 64,3% af kostnaðaráætlun. Einnig bauð Brautin sf., 15,3 milljónir króna, Gröfuþjónusta Bjarna bauð 13,5 milljónir og Sigmundur F. Þórðarson bauð 12,4 milljónir. Kostnaðaráætlun hljóðaði upp á 16,6 milljónir króna. Heilbrigðiseftirlitið áformar að leggja 10 milljónir til verksins og er gert ráð fyrir að þeir fjármunir komi fljótlega.
07.01.2009 - 02:05 | bb.is

Rætt um nýtingu Þingeyrarflugvallar

Flugstöðin á Þingeyrarflugvelli.
Flugstöðin á Þingeyrarflugvelli.
„Það kom fram hjá báðum aðilum að þeir væru að skoða allar leiðir til að nýta flugvöllinn betur en um leið kom fram að það væru mjög mörg tilvik þar sem hann nýtist ekki sem varaflugvöllur fyrir Ísafjörð og mörg þeirra hefðu verið fyrirséð alla tíð," segir Halldór Halldórsson, bæjarstjóri Ísafjarðarbæjar, en hann átti fund með fulltrúum Flugfélags Íslands og Flugstoða ásamt formanni bæjarráðs Ísafjarðarbæjar, en efni fundarins var nýting Þingeyrarflugvallar og hvort væri hægt að auka frekar nýtingu hans sem varaflugvallar fyrir Ísafjarðarflugvöll. „Það var vitað þegar ákveðið var að leggja slitlag á völlinn að í mörgum tilvikum yrði ófært á hann þegar ófært er til Ísafjarðarflugvallar," segir Halldór. Halldór segir fundinn hafa fyrst og fremst verið til að ræða málin en menn voru sammála um að reyna alla möguleika á betri nýtingu.
...
Meira
07.01.2009 - 02:02 | bb.is

Jarðgöng í óvissu

Dýrafjörður. Ljósm: © Mats Wibe Lund.
Dýrafjörður. Ljósm: © Mats Wibe Lund.
Samgönguráðherra og Vegagerðin taka ákvörðun um næstu mánaðarmót í hvað verk verður ráðist en nokkuð ljóst er að ráðist verður í mannfrek verk á suðvesturhorni landsins. Vegagerðinni eru áætlaðir sex til sjö milljarðar króna til nýrra verka í ár. Fjárhæðin er töluvert lægri en áður var gert ráð fyrir. Önnur verkefni sem er óvíst um eru Norðfjarðargöng, Dettifossvegur, Vopnafjarðarvegur og brú yfir Hornafjarðarfljót. Hreinn Haraldsson, vegamálastjóri, sagði í samtali við RÚV, afar líklegt að stærri verkefni komist ekki af stað á þessu ári og að þeim verði frestað fram á næsta ár eða lengur en formleg ákvörðun liggur ekki fyrir. Horft verður til mannaflsfrekra verkefna á suðvesturhorni landsins því þar sé atvinnuástandið verst.
...
Meira
07.01.2009 - 02:01 | bb.is

Álfar gengu í hús á Þingeyri

Fríða og dýrið voru á meðal púkanna og álfanna sem gengu í hús á Þingeyri á þrettándanum. Mynd: Nanna Björk Bárðardóttir.
Fríða og dýrið voru á meðal púkanna og álfanna sem gengu í hús á Þingeyri á þrettándanum. Mynd: Nanna Björk Bárðardóttir.
Fríða og dýrið voru á meðal púkanna og álfanna sem gengu í hús á Þingeyri í gærkvöldi, sungu og þáðu góðgæti. Um er að ræða skemmtilega hefð sem hefur verið við lýði á Þingeyri í mörg ár en þá ganga grímuklædd börn í hús og þiggja góðgerðir. Þessi siður á Þingeyri mun allt að því einstæður á þrettándanum en hann hefur þróast þannig síðustu árin að álfarnir eru farnir að syngja fyrir mannfólkið að launum fyrir sælgæti. Í öðrum byggðum hér vestra er almennast að þessi háttur sé hafður á öskudaginn.
Yfirlit yfir vetrarþjónustu Vegagerðarinnar á Vestfjörðum tekið af vefnum vegagerdin.is.
Yfirlit yfir vetrarþjónustu Vegagerðarinnar á Vestfjörðum tekið af vefnum vegagerdin.is.
Gámaþjónusta Vestfjarða hefur boðið Vegagerðinni að gjöf olíu á hefil stofnunarinnar svo hægt sé að moka Dynjandisheiðina. Auk þess buðu Gámaþjónustumenn Vegagerðinni að þeir gætu mokað fyrir stofnunina ef þeir fengu hefilinn lánaðan. Að sögn Ragnars Ágústs Kristinssonar, framkvæmdastjóra Gámaþjónustunnar, kvaðst Vegagerðin ekki geta þekkst boðið. „Dynjandisheiðin er jeppafær en það eru einungis um þrír skaflar sem eru til trafala og heiðin er að öðru leiti fær. Það myndi því ekki þurfa mikið til að geta opnað hana", segir Ragnar en Gámaþjónustan þjónustar suðursvæði Vestfjarða og því kemur það sér mjög illa að ekki verði byrjað að moka Hrafnseyrar- og Dynjandisheiðar fyrr en 20. mars....
Meira
05.01.2009 - 02:07 | bb.is

Þrettándanum fagnað á Þingeyri

Álfar komnir í heimsókn til að þiggja góðgerðir og syngja í staðinn. Mynd úr myndasafni.
Álfar komnir í heimsókn til að þiggja góðgerðir og syngja í staðinn. Mynd úr myndasafni.
Björgunarsveitin Dýri og íþróttafélagið Höfrungur gangast fyrir blysför, álfabrennu og flugeldasýningu á Þingeyri á morgun í tilefni af þrettándanum. Mæting í blysförina er kl. 17 og farið verður frá innsta hluta Brekkugötu kl. 17:30 og gengið sem leið liggur að víkingasvæði, þar sem álfabrennan og flugeldasýningin fer fram. Rétt er að geta þess að þeir verða einungis seldir þeim sem eru eldri en 10 ára. Í tilkynningu eru Þingeyringar minntir á að taka vel á móti fallegum álfum um kvöldið en sá siður tíðkast á Þingeyri að ungir hulduliðar knýja dyra hjá mannfólkinu og þiggja góðgerðir. Þessi siður á Þingeyri mun allt að því einstæður á þrettándanum en hann hefur þróast þannig síðustu árin að álfarnir eru farnir að syngja fyrir mannfólkið að launum fyrir sælgæti. Í öðrum byggðum hér vestra er almennast að þessi háttur sé hafður á öskudaginn.
01.01.2009 - 02:15 | Tilkynning

Góð þátttaka í jólamóti Höfrungs

Íþróttahúsið á Þingeyri. Mynd: Bergþór Gunnlaugsson.
Íþróttahúsið á Þingeyri. Mynd: Bergþór Gunnlaugsson.
Jólamót Höfrungs í knattspyrnu innanhúss fór fram 27.desember síðastliðinn. Það skráðu sig 6 lið til leiks og var þátttakan framar vonum. Tvö heimalið kepptu til úrslita í ár; annars vegar voru það Hjalti, Kristján Fannar, Steini Óla og Emil, og hins vegar Gunnar Jakob, Elías, Snorri Karl og Ólafur Auðunn. Stuðningsmenn voru ekki af verri endanum og á tímabili ætlaði þakið að rifna af húsinu, þá sérstaklega í úrslitaleiknum sjálfum og sönnuðu þeir að Þingeyringar geta svo sannarlega látið í sér heyra. Svo fór að lið Hjalta fór með sigur af hólmi eftir bráðabana 4-2, og hlaut að verðlaunum gjafakörfu sem fiskvinnslan Vísir gaf. Ég vil þakka styrktaraðilum mótsins; Vísi og Sparisjóðnum á Vestfjörðum kærlega fyrir styrki sem þeir veittu.
Helgi Ragnarsson
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31