A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
01.01.2009 - 02:10 | JÓH

Fjör á jólaballi

Jólasveinarnir mættu á jólaball. Mynd: Davíð Davíðsson
Jólasveinarnir mættu á jólaball. Mynd: Davíð Davíðsson
Mikil gleði og mikið fjör var á jólaballi Höfrungs í Félagsheimilinu þann 28. desember sl. Fjölmargt fólk á öllum aldri mætti í sínu fínasta pússi til að syngja og dansa í kringum jólatréð. Boðið var upp á heitt súkkulaði, sem löngu er orðið landsfrægt, og Baggabandið spilaði fyrir ballgesti. Þá var sérstalega tekið eftir því hvað börnin voru dugleg að syngja með. Hurðaskellir, Kertasníkir og Stúfur kíktu í heimsókn og dönsuðu í kringum jólatréð með krökkunum og gáfu þeim gjafir áður en þeir héldu aftur til fjalla.
...
Meira
Flugstöðin á Þingeyrarflugvelli.
Flugstöðin á Þingeyrarflugvelli.
Fjölmargir lesendur bb.is hafa haft samband við vefinn eftir frétt í gær þess efnis að Þingeyrarflugvöllur væri illa nýttur. Í máli eins þeirra kom fram að aðflugsbúnaður fyrir völlinn hefði verið fjarlægður og því væri erfitt að lenda þar. Guðbjörn Charlesson, umdæmisstjóri Flugstoða á Vestfjörðum, segist ekki vita til þess að aðflugsbúnaður sem sinna á Þingeyrarflugvelli hafi verið fjarlægður. „Ég kannast ekki við það. Aðflugsbúnaður fyrir völlinn er í minni Arnarfjarðar. Það er ekki hægt að fara með einhvern búnað úr Dýrafirði sem er ekki þar," segir Guðbjörn. Hann bendir m.a. á að aðflugsbúnaður fyrir Ísafjarðarflugvöll sé í Ögri í Ísafjarðardjúpi....
Meira
31.12.2008 - 02:20 | bb.is

Rangar upplýsingar frá Vegagerðinni?

Kl 19 í gær var Hrafnseyrarheiði sögð ófær á vef Vegagerðarinnar en vegfarendur höfðu annað um málið að segja og sögðu heiðina flennifæra.
Kl 19 í gær var Hrafnseyrarheiði sögð ófær á vef Vegagerðarinnar en vegfarendur höfðu annað um málið að segja og sögðu heiðina flennifæra.
Upplýsingarnar komu fram á vef Vegagerðarinnar í gær um að Hrafnseyrarheiði væri ófær. Stungu þær upplýsingar í stúf við það sem vegfarendur um heiðina höfðu um málið að segja. „Þetta er ekki spurning um ranga túlkun á aðstæðum, misskilning eða skort á vitneskju um raunverulegt ástand. Þetta er hrein og klár lygi sem er lögð fram að ásettu ráði," segir Ársæll Níelsson, leiklistarnemi frá Tálknafirði, en hann fór heiðina akandi í gær ásamt eiginkonu sinni, tengdaföður og tveimur ungum sonum. „Ég áætlaði að keyra frá Suðureyri til Tálknafjarðar og vonaðist til að komast stystu leið. Vegagerðin var beitt nokkrum þrýstingi og veit ég að yfir hana rigndi fyrirspurnum um færðina. Forráðamenn Vegagerðarinnar hvikuðu þó hvergi og stóðu fast við fyrri yfirlýsingar þó þær haldi tæplega vatni," segir Ársæll....
Meira
Hreinn Þórðarson. Mynd:HS
Hreinn Þórðarson. Mynd:HS
Hann Hreini á Kúlu verður 70 ára 6. janúar næstkomandi. Af því tilefni býður hann ættingjum og vinum að fagna með sér á Ketilseyri laugardaginn 3. janúar kl. 18:00
Íþróttahúsið á Þingeyri. Mynd: Bergþór Gunnlaugsson
Íþróttahúsið á Þingeyri. Mynd: Bergþór Gunnlaugsson
Samkvæmt útreikningum Þingeyrarvefsins munu 5,1% íbúa á Ísafirði hafa nýtt sér ókeypis aðgang að sundhöll Ísafjarðar á aðfangadag. Það þykir ágætis mæting að sögn Jóhanns Bærings Gunnarssonar, umsjónarmanns eigna hjá Ísafjarðarbæ. Hann taldi að fleiri hefðu mætt, hefði veðrið verið betra (sjá http://bb.is/Pages/26?NewsID=125773). Á Þingeyri nýttu 22,6% íbúa sér ókeypis aðgang að sundlauginni á staðnum þennan sama dag. Það þýðir að rúmlega fjórum sinnum fleiri fóru í sund á Þingeyri sé horft til fjölda íbúa á hvorum staðnum fyrir sig....
Meira
„Þeir eru með menn á fullum launum og vinnuvélar til staðar þannig að ég skil ekki af hverju það er ekki hægt að fara þarna í gegn,“ segir Ársæll Níelsson.
„Þeir eru með menn á fullum launum og vinnuvélar til staðar þannig að ég skil ekki af hverju það er ekki hægt að fara þarna í gegn,“ segir Ársæll Níelsson.
„Það er fólksbílafært yfir Hrafnseyrarheiðina en það er þungfært yfir Dynjandisheiði," segir Ársæll Níelsson, leiklistarnemi, en hann var á leið frá Ísafirði til Tálknafjarðar í dag ásamt eiginkonu sinni og tengdaföður. Ársæll segir ekki vera snjóþungt á Dynjandisheiðinni, heldur liggi snjóspýjur yfir veginn. „Við vorum að giska á að það tæki starfsmenn Vegagerðarinnar um klukkutíma að renna í gegnum skaflana á snjóplógi. Mesta snjóhæðin hefur verið kringum hálfan metra," segir Ársæll. Hann segir þessa leið, sem er um 180 km, taka um tvo tíma í akstri yfir sumartímann. Ef þau hefðu hins vegar þurft að fara Strandirnar, Laxárdalsheiði, Staðarskála, Búðardal og svo Barðastrandasýsluna, hefði það verið um 700 km leið....
Meira
Samgönguráðuneytið hefur greint frá því að erindi er varðar gerð jarðganga milli Dýrafjarðar og Arnarfjarðar verði til meðferðar við næstu endurskoðun samgönguáætlunar.
Samgönguráðuneytið hefur greint frá því að erindi er varðar gerð jarðganga milli Dýrafjarðar og Arnarfjarðar verði til meðferðar við næstu endurskoðun samgönguáætlunar.
Samgönguráðuneytið hefur greint frá því að erindi er varðar gerð jarðganga milli
Dýrafjarðar og Arnarfjarðar verði til meðferðar við næstu endurskoðun
samgönguáætlunar. Kemur það fram í svari ráðuneytisins við bókun bæjarstjórnar
Ísafjarðarbæjar þar sem hún lýsti yfir áhyggjum af niðurskurði í vegamálum vegna
efnahagsástandsins......
Meira
Sturla Böðvarsson, fyrrverandi samgönguráðherra, ásamt Hauki Haukssyni, framkvæmdastjóra flugvalla og leiðsögusviðs, og Þorgeiri Pálssyni, flugmálastjóra, við vígslu Þingeyrarflugvallar árið 2006. Mynd: Birgir Þór Halldórsson.
Sturla Böðvarsson, fyrrverandi samgönguráðherra, ásamt Hauki Haukssyni, framkvæmdastjóra flugvalla og leiðsögusviðs, og Þorgeiri Pálssyni, flugmálastjóra, við vígslu Þingeyrarflugvallar árið 2006. Mynd: Birgir Þór Halldórsson.
Þrettán sinnum hefur flugi verið beint á Þingeyrarflugvöll á þessu ári þegar ófært hefur verið til lendingar á Ísafirði að sögn Arnórs Jónatanssonar, svæðisstjóra Flugfélags Íslands á Ísafirði. „Það er mikið í umræðunni að fólk haldi að við viljum ekki fljúga á Þingeyrarflugvöll og viljum frekar sleppa flugi en svo er ekki. Um leið og við sleppum flugi töpum við farþegum, þannig að við reynum allt sem við getum til þess að flytja farþega með flugi vestur," segir Arnór. Hann segir legu Þingeyrarflugvallar valda því að ekki sé hægt að fljúga oftar þangað þegar ófært er á Ísafjarðarflugvöll. „Þingeyrarflugvöllur er ekki að virka sem varaflugvöllur þegar ófært er á Ísafjörð," segir Arnór....
Meira
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31