Knattspyrnuskóli Íslands verður haldinn á Þingeyri dagana 10. - 13. júlí 2008. Fyrir alla knattspyrnuiðkendur, stráka og stelpur, sem eru 11 - 17 ára, þ.e. fædd 1991-1997, sem eru: 3., 4. og 5. flokkur og yngsta ár í 2. flokki. Tilgangurinn er að bjóða knattspyrnuiðkendum á Vestfjörðum uppá úrvals knattspyrnuskóla á svæðinu. Í skólanum er kennd tækni, taktík og gildi rétts hugarfars. Skólasetning fer fram fimmtudaginn 10. júlí kl. 21:15 í Grunnskólanum á Þingeyri. Mæting/skráning kl. 20:00 - 21:00 þann sama dag. Skólaslit verða sunnudaginn 13. júlí kl. 21:00....
Meira

Í dag, fimmtudaginn 29. maí er Grænn dagur í Grunnskólanum á Þingeyri. Nemendur og starfsmenn eru því utandyra í dag að huga að næsta nágrenni skólans s.s. týna rusl og grót af lóðinni, huga að plöntum og beðum á skólalóðinni. Einnig verður nýjum plöntum komið fyrir á skólalóðinni. Hluti nemenda og starfsmanna er að vinna í gróðurreit skólans rétt innan við bæinn. Þar eru plöntur sem nemendur skólans hafa sett niður og hugað að í mörg ár. Skóladegi nemenda lýkur í hádeginu eftir að hafa fengið hádegismat á Víkingasvæðinu.

Á morgun, föstudaginn 30. maí er leikjadagur hjá nemendum í 3.-6. bekk skólans. Nemendur í 3.-4. bekk fara og hitta jafnaldra sína í Ísafjarðarbæ á Suðureyri. Nemendur í 5.-6. bekk taka á móti jafnöldrum sínum í Ísafjarðarbæ á Þingeyri.

...
Meira

Siglingar olíuflutningaskipa um Vestfirði geta verið varhugaverðar, bæði þar sem þar eru að finna mikilsverð fiskimið sem og uppeldisslóðir fiskungviðs og jafnframt eru veður válind. Þetta segir Svend-Aage Malmberg haffræðingur í grein sem birt hefur verið á Þingeyrarvefnum. „Bent skal á að á undanförnum árum, a.m.k. tveimur áratugum, var háð barátta um að beina siglingaleiðum olíuflutninga við Suðvesturland út fyrir Eldey og djúpt fyrir Reykjanesskaganum. Það var mikið olíuslys við Lands End á Suður Englandi (Torry Canyon 1967) sem hrundi af stað viðleitni til að breyta siglingaleiðum olíuflutningaskipa þar suður frá. Við tókum til við að vinna að svipuðu máli varðandi olíuflutninga við Ísland. Þá var einkum horft til veðurhams og hrygningaslóða á Selvogsbanka og annars staðar á landgrunninu fyrir Suðvesturlandi. Málefnið var ekki átakalaust við hagsmunaaðila og fór í strand um hríð. Að lokum virðist málið hafa leysts á árinu 2007„, segir í greininni....
Meira

Kæru Dýrfirðingar. Nú er komið að því að taka saman höndum og vera með, eins og endranær. Við í nefndinni leitum eftir fólki sem vill starfa við ýmisleg störf er við kemur Dýrafjarðardagana.

Súpugerðar fólk!
Nú leitum við til ykkar Þingeyringa.... Við viljum bjóða gesti og aðra í súpu á sama tíma og gengið er um eyrina og valið fallegsta garðinn..... Því leitum við til þeirra sem luma á góðri súpuuppskrift og langar að leyfa öðrum að smakka... Einnig mega þeir sem langar að prófa á frekar stórum hópi að gera uppáhalds naglasúpuna sína. Lagður verður til rjómi fyrir þá sem vilja vera með og 6 lítra af súpu eða meira.....

...
Meira

Slökkviliðið á Þingeyri fékk útkall um klukkan átta í kvöld vegna elds í einbýlishúsi við Brekkugötu. Mikinn reyk lagði frá húsinu sem er gamalt timburhús en slökkviliðið náð tökum á eldinum fljótlega eftir að það mætti á staðinn. Húsið var mannlaust og eigendur þess staddir á suðvesturhorni landsins. Unnið hafið verið að endurbótum í húsinu um nokkurn tíma og við fyrstu sýn virðist húsið mikið skemmt ef ekki ónýtt. Hús þetta er m.a. merkilegt fyrir þær sakir að forseti Íslands, Hr. Ólafur Ragnar Gímsson bjó í þessu húsi þegar hann bjó á Þingeyri um miðja síðustu öld. Eldsupptök eru ókunn og unnið er að rannsókn málsins.