Nú eru uppi umræður um val á flugvelli til hugsanlegs millilandaflugs til og frá Vestfjörðum. Hugmyndin er vafalaust tímabær og skynsamleg þegar horft er til framtíðar. Nýlega kom ferðamálafrömuður af norðanverðum Vestfjörðum að máli við mig og tjáði mér að eftir ítarlega skoðun teldi hann sjálfgefið að flugvöllurinn á Þingeyri við Dýrafjörð hentaði best til að sinna þessu hlutverki. Hann benti á ýmis rök því til staðfestingar og hér eru þau helstu:
Meira

Að undanförnu hef ég hugsað æ meira um það hvað ég get gert til að bæta mig og mitt umhverfi. Það þarf ekki að eyða mörgum orðum um það sem gerst hefur undanfarna daga. Það eiga margir um sárt að binda og eitt er víst að kreppan kemur víða við og spyr ekki um stöðu fólks í skattframtali. Allir finna fyrir þessu og er undirritaður einnig í vandræðum. Ég hef ákveðið að taka á þessu með jákvæðnina að vopni. Það er mikið mun auðveldara að falla í gryfju neikvæðni og þunglyndis.
Meira

Þær eru metnaðarfullar sparnaðaraðgerðir Sparisjóðs Keflavíkur sem birtast okkur þessa dagana. Skera skal niður 3,5 stöðugildi á Vestfjörðum og stytta opnunartíma í útibúum í fjórðungnum og loka alveg afgreiðslunni á Borðeyri! Ekki veit ég hvað það starfsfólk hefur í laun sem hér er verið að segja upp, en varla hafa þau laun sett sparisjóðinn á slig. Hinsvegar munar um hvert starf á Vestfjörðum og þjónustustigið skiptir miklu máli. Ég varaði við samruna Sparisjóðs Vestfjarða við Sparisjóð Keflavíkur og taldi hann óráðlegan.
Meira

Hugmyndir um jarðgöng milli Dýrafjarðar og Arnarfjarðar og áfram yfir í Barðastrandarsýslu hafa lengi verið til umræðu og fyrir mörgum árum tókst að koma á samgönguáætlun fyrri hluta þeirrar framkvæmdar, jarðgöngum milli Dýrafjarðar og Arnarfjarðar. Dýrafjarðargöng koma í staðinn fyrir einn hæsta og hrikalegasta fjallveg landsins, Hrafnseyrarheiði, og stytta leiðina milli Ísafjarðar og Patreksfjarðar um nálægt 30 kílómetra. Þessi mikilvæga samgöngubót hefur æ ofan í æ orðið fyrir niðurskurðarhnífi framkvæmdavaldsins og verið frestað og færð afturfyrir aðrar samgöngubætur. Á meðan hefur svæðið allt liðið fyrir.
Meira

Það er ekki laust við að okkur Vestfirðingum berist kyndugur boðskapur frá hæstvirtum samgönguráðherra þessa dagana. Hann ber ,,ónefnda sveitarstjórnarmenn" og ,,ónefndan almúga" fyrir því að þeir kæri sig lítt um að rofin sé einangrun byggða á Vestfjörðum sem einar mega búa við það að hafa ekki árssamgöngur á vegum á tuttugustu og fyrstu öld. Að minnsta kosti á þetta ekki að vera forgangsmál. Það er enginn að bera á móti því að það hafi komið upp tímabundin vandamál vegna veðurs og vályndrar náttúru á leiðinni milli Súðavíkur og Ísafjarðar en það vandamál á ekki að leiða til þess að samgönguráðherra geti farið að hrófla við löngu ákveðinni áætlun um samgöngubætur til handa þeim byggðarlögum sem verst eru sett á Íslandi hvað varðar samgöngur á vegum.
Meira

Hugmyndir um jarðgöng milli Dýrafjarðar og Arnarfjarðar og áfram yfir í Barðastrandarsýslu hafa lengi verið til umræðu og fyrir mörgum árum tókst að koma á samgönguáætlun fyrri hluta þeirrar framkvæmdar, jarðgöngum milli Dýrafjarðar og Arnarfjarðar. Dýrafjarðargöng koma í staðinn fyrir einn hæsta og hrikalegasta fjallveg landsins, Hrafnseyrarheiði, og stytta leiðina milli Ísafjarðar og Patreksfjarðar um nálægt 30 kílómetra. Þessi mikilvæga samgöngubót hefur æ ofan í æ orðið fyrir niðurskurðarhnífi framkvæmdavaldsins og verið frestað og færð afturfyrir aðrar samgöngubætur. Á meðan hefur svæðið allt liðið fyrir.
Meira

Kristján Möller samgönguráðherra sagði í Svæðisútvarpi Vestfjarða í gær að hann hefði orðið fyrir þrýstingi frá ýmsum "Vestfirðingum" að breyta áherslum í jarðgangagerð á Vestfjörðum. Verið væri að þrýsta á hann að fresta Arnarfjarðargöngum (hætta við?) en taka þess í stað göng milli Skutulsfjarðar og Álftafjarðar fram fyrir.

Eitthvað er hér málum blandið varðandi "þrýstinginn" sem ráðherrann verður fyrir. Mér vitanlega hefur hvergi nokkurs staðar verið samin ályktun eða samþykkt um að breyta forgangsröðun verkefna varðandi jarðgöng á Vestfjörðum. Þvert á móti hefur bæjarstjórn Ísafjarðarbæjar áréttað fyrri samþykktir um nauðsyn á gerð Arnarfjarðarganga nú nýlega, ef mig misminnir ekki. Á síðasta ári var samþykkt í ríkisstjórn að flýta gerð jarðganga milli Arnarfjarðar og Dýrafjarðar, þannig að framkvæmdum verði lokið árið 2012 í stað 2014.

Meira