A A A
  • 1992 - Hannes Pétur Einarsson
  • 1994 - Jón Þorri Jónsson
04.06.2019 - 13:47 | Hallgrímur Sveinsson

Á afmæli Sjálfstæðisflokksins: Þá var Ólafur Thors reiður!

Bjarni Benediktsson varaformaður með formanni sínum Ólafi Thors.
Bjarni Benediktsson varaformaður með formanni sínum Ólafi Thors.

Þorsteinn E. Jónsson, flugmaður, var nafnkunnur maður á sinni tíð. Hann lærði til flugs í Englandi á seinni stríðsárunum. Þjónaði sem orustuflugmaður í breska flughernum Royal Air Force. Var í fremstu víglínu nánast allan tímann. Þorsteinn gaf út endurminningar sínar í tveimur bindum sem hann skrifaði sjálfur, Dansað í háloftunum og Viðburðarík flugmannsævi.
Ingibjörg var blíð, glaðlynd og ástrík


Þorsteinn kvæntist Margréti, dóttur Ólafs Thors og Ingibjargar Indriðadóttur, árið 1952. Bar hann mikla virðingu fyrir tengdaforeldrum sínum. Segir hann að Ingibjörg hafi verið ákaflega blíð, glaðlynd og ástrík kona. Ómetanleg stoð og stytta eiginmanns síns. Stjórnaði heimili þeirra af mikilli röggsemi og myndarskap. Hafði lag á að verja mann sinn óþarfa ágangi. Um Ólaf segir hann að eitt af því sem gerði hann svo vinsælan meðal almennings, hvar í flokki sem menn annars voru, hafi verið léttlyndið og kímnigáfan.

...
Meira
28.05.2019 - 18:09 | Hallgrímur Sveinsson

Skúlaskeið eftir. Grím Thomsen

Grímur Thomsen 1820-1896. Ljósm. Mbl.
Grímur Thomsen 1820-1896. Ljósm. Mbl.
Skúlaskeið lærðu flestir sem í barnaskóla gengu í gamla daga utanað. Skyldu margir af unglingum dagsins kannast við þetta mikla kvæði stórskaldsins í dag? Vonandi er svo.

Þeir eltu hann á átta hófahreinum


og aðra tvenna höfðu þeir til reiðar


en Skúli gamli sat á Sörla einum


svo að heldur þótti gott til veiðar.


Meðan allar voru götur greiðar


gekk ei sundur með þeim og ei saman,


en er tóku holtin við og heiðar


heldur fór að kárna reiðargaman.

...
Meira
Þeir Miðbæjarfeðgar, Kristján og Hákon, felldu 30 hlaupatófur á rúmum sólarhring fyrir nokkrum árum á útnesjunum milli Arnarfjarðar og Dýrafjarðar. Hér eru þeir með hluta af veiðinni. Þetta er alveg svakalegt. Ótrúlegt en satt. Sjá grein á Þingeyrarvefnum 27. 04. 2017.
Þeir Miðbæjarfeðgar, Kristján og Hákon, felldu 30 hlaupatófur á rúmum sólarhring fyrir nokkrum árum á útnesjunum milli Arnarfjarðar og Dýrafjarðar. Hér eru þeir með hluta af veiðinni. Þetta er alveg svakalegt. Ótrúlegt en satt. Sjá grein á Þingeyrarvefnum 27. 04. 2017.
Nú er kominn sá tími að æðarbændur eiga í vök að verjast. Sá merki fugl, æðarfuglinn, er nú að búa sig til að verpa i æðarverunum og má hann þá eiga á ýmsu von. Það er tófa, minkur, örn, krummi gamli, hettumávur, veiðibjalla og nefndu það bara.  Æðarrækt er viðurkennd sem einhver merkasta atvinnugrein sem til er. Sjálfbær, vistvæn og mannbætandi....
Meira
06.05.2019 - 14:27 | Hallgrímur Sveinsson

Þetta er náttúrulega bilun og ekkert annað!

Malað kaffi í bréfpoka frá Kaffibrennslu Akureyrar. Ljósmynd fengin frá vef Minjasafns Austurlands
Malað kaffi í bréfpoka frá Kaffibrennslu Akureyrar. Ljósmynd fengin frá vef Minjasafns Austurlands
Fyrir mörgum árum á Þingeyrarvefnum birtist eftirfarandi grein sem á jafn mikið við í dag og þá:

Ómótmælanleg staðreynd er að við Íslendingar erum einhverjir mestu bruðlarar í heimi hér. Til dæmis hefur plastið tekið völdin og vex okkur yfir höfuð nema við gáum að okkur. 


Örlítið dæmi af þúsundum:

Við höfum loftventla úr plasti í kaffipökkum sem við kaupum til daglegs brúks. Til hvers það er nauðsynlegt skilur enginn venjulegur maður. Flottar plastumbúðir kosta svo sennilega eins og helmingur af innihaldinu, enda lifum við í geggjuðu umbúðaþjóðfélagi. Þetta kalla þeir að þjóna neytandanum. Honum skal þjóna undir drep. Það verður að lofta um kaffið maður áður en hellt er upp á. Skilurðu það ekki? Skárra væri það nú!


Í gamla daga var maður sendur út í búð eftir einum kaffipakka og exporti. Kaabers kaffið og exportið var í bréfpokum og þótti gott. En nú er öldin önnur. Plast á plast ofan sem framleitt er úr olíu við endalausa mengun. Svo er plastkaffipakkinn auðvitað settur í annan plastpoka. Sem verða svo að milljónum plastpoka sem fara beint út í öskutunnu eða náttúruna.

Endalaust bruðl og hluti þjóðarinnar á ekki til hnífs og skeiðar. Og sorpið er svo eitt aðal vandamál flestra sveitarfélaga! Hvað annað? En fáum dettur í hug að minnka sorpumfangið. En allir skulu læra að flokka og flokka. En að minnka þetta sorprugl. Það má ekki. Þetta er náttúrlega bilun og ekkert annað. Við erum alltaf að glíma við afleiðingar af öllu mögulegu, en gleymum oftast að gá að hverjar orsakirnar eru!

 



Hemmi Gunn við fræðistörf hjá Vestfirska forlaginu
Hemmi Gunn við fræðistörf hjá Vestfirska forlaginu

Þann 28. 02. 2016 mátti lesa eftirfarandi frétt af léttara taginu á Þingeyrarvefnum. Þar sem allir eru búnir að gleyma henni, er rétt að rifja hana upp til gamans!




  1. Flensan hefur verið að stinga sér niður hér hjá ungum sem öldnum. Þá er bara ekkert að gera annað en fara eftir læknisdómum alþýðunnar og margra lækna: Taka það rólega og fara vel með sig!




  2. Stjáni í Miðbæ fór á Ísafjörð í vikunni. Hann fór í Bónus. Eða það höldum við. Svo keypti hann brauð fyrir blessaðar kindurnar sínar hjá henni Rut.



...
Meira
24.04.2019 - 10:37 | Hallgrímur Sveinsson

Páskahugleiðing af Vesturslóð

Tveir góðir saman. Léttadrengurinn og safnvörðurinn á Hrafnseyri forðum. Þeir hafa greinilega verið í kaffi hjá bæjarfrúnni! Ljósmyndari: Man það ekki!
Tveir góðir saman. Léttadrengurinn og safnvörðurinn á Hrafnseyri forðum. Þeir hafa greinilega verið í kaffi hjá bæjarfrúnni! Ljósmyndari: Man það ekki!

Hemmi Gunn og útvarpið


Við mættum hlusta meira á Rás 1, Gömlu gufuna, en við gerum. Þar er margur gullmolinn. Sennilega er þetta einhver besta útvarpsstöð í heimi, ef ekki sú besta. Eitt sinn spurði ég Hemma Gunn hvort honum líkaði nú betur, að vinna í sjónvarpi eða útvarpi. Ekki spurning, svaraði vinur okkar. Það er útvarpið! Þessi ótrúlegi Vestfirðingur vissi nákvæmlega hvað hann söng í sambandi við fjölmiðla. Sjónvarpsmaður á heimsmælikvarða valdi útvarpið. Mjög eftirtektarvert.

...
Meira
16.04.2019 - 11:47 | Búnaðarfélag Auðkúluhrepps

Ályktanir aðalfundar Búnaðarfélags Auðkúluhrepps

Jón Sigurðsson. „Standmynd sem steypt er í eir.“ Alþingishúsið blasir við. Ljósm. ókunnur.
Jón Sigurðsson. „Standmynd sem steypt er í eir.“ Alþingishúsið blasir við. Ljósm. ókunnur.

Aðalfundur Búnaðarfélags Auðkúluhrepps haldinn í Mjólkárvirkjun 10. apríl 2019 samþykkti samhljóða eftirfarandi ályktanir um þjóðfélagsmál:


Innflutningur á kjöti


Aðalfundurinn skorar á starfandi sláturleyfishafa að taka ekki þátt í innflutningi á kjöti í samkeppni við sjálfa sig.


Laxeldið


Aðalfundurinn er mjög hlynntur laxeldi, en þó án þess að ræktunaraðilar reisi sér hurðarás um öxl. Telur fundurinn að laxeldið geti vel komið að nokkru leyti í stað hnignandi atvinnuvega á Vestfjörðum.  

...
Meira
Heiðursfélagi. Sigurjón G. Jónasson, sauðfjárbóndi í Lokinhömrum eða sauðfjársérfræðingur eins og það myndi líklega vera orðað í dag, var heiðursfélagi í Búnaðarfélagi Auðkúluhrepps. Hér er hann að spila á orgelið í kapellunni á Hrafnseyri 17. júní 1998. Ljósm. H. S.
Heiðursfélagi. Sigurjón G. Jónasson, sauðfjárbóndi í Lokinhömrum eða sauðfjársérfræðingur eins og það myndi líklega vera orðað í dag, var heiðursfélagi í Búnaðarfélagi Auðkúluhrepps. Hér er hann að spila á orgelið í kapellunni á Hrafnseyri 17. júní 1998. Ljósm. H. S.
Aðalfundur Búnaðarfélags Auðkúluhrepps fyrir árið 2018 var haldinn í Mjólkárvirkjun 10. apríl. Fundurinn var vel sóttur að vanda og gengu fundarstörf vel fyrir sig. Ekkert var rifist á fundinum og voru menn bara kátir sem fyrr. Formaður félagsins, Hreinn Þórðarson hreppstjóri á Auðkúlu, stjórnaði samkomunni á sinn hógværa hátt. Sagði ekki líka sá góði maður, Njáll á Bergþórshvoli: „Kemst þó hægt fari, húsfreyja“....
Meira
09.04.2019 - 23:14 | Hallgrímur Sveinsson

Tuttugu og fimm + þrjátíu og fimm = Sextíu

Stórmerkilegt. Bakaríið á Þingeyri, eitt þekktasta kennileiti Þingeyrar, byggt 1906. Þegar  bárujárnið á húshliðinni var flett af fyrir skömmu, kom þessi áletrun í ljós: Bakarí Café & Konditori.
Stórmerkilegt. Bakaríið á Þingeyri, eitt þekktasta kennileiti Þingeyrar, byggt 1906. Þegar bárujárnið á húshliðinni var flett af fyrir skömmu, kom þessi áletrun í ljós: Bakarí Café & Konditori.
Nú hafa spekingarnir úr Auðkúluhreppi, þeir Grímur gamli á Eyrinni, fyrrum methafi hreppsins í 200 mtr. skriðsundi og Bjössi bóndi á Ósi, sem nokkuð hefur einnig fengist við kvikmyndaleik sem kunnugt er, lokið gjörgæsluúttekt sinni á Þingeyrarkauptúni. Kennir þar ýmissa grasa eins og vænta mátti. Hafa þeir félagar fengið harða gagnrýni á starf þetta, þeir kunni ekki að telja o.s.frv. Þeir vísa þó allri gagnrýni á bug og segja þetta allt vera vel innan skekkjumarka eins og ýmislegt til dæmis í Auðkúluhreppi, sbr. Hitaveitu Auðkúluhrepps....
Meira
02.04.2019 - 10:21 | Hallgrímur Sveinsson,Guðmundur Ingvarsson,Bjarni Georg Einarsson

Gjaldþrot WOW air

Stjórnvöld hafa unnið sína vinnu vel!


Nú má rifja upp þá daga 1936-1937 er Útgerðarfélagið Kveldúlfur hf var miðpunktur íslenskra stjórnmála. Stærsta útgerðarfélag landsins og um skeið í heiminum að sögn, rambaði á barmi gjaldþrots. Þá réru Thorsbræður lífróður til að bjarga sínu mikla fyrirtæki. Ólafur Thors flutti þá áhrifaríka ræðu, margir segja þá bestu sem hann flutti á ferli sínum, á Varðarfundi fyrir sneisafullu Gamla bíói.  Rakti opinskátt sögu Kveldúlfs, fjármál hans og fjölskyldunnar. Dró ekkert undan. Veð fyrir öllum skuldum. En það voru haldnar veislur og partý á þeirra tíma vísu. Thorsararnir lifðu hátt á kostnað landsins sagði Jónas Jónsson frá Hriflu. „Ævintýri Jensenssona er orðið of dýrt fyrir almenning í landinu“, bætti hann við.


 

...
Meira
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31