Einn var með allar tölur réttar í lottóinu og kvöld og fær hann tæpar 24,3 milljónir króna í vinning en potturinn var fjórfaldur í þessum fyrsta drætti ársins. Vinningsmiðinn var keyptur í verslun N1 á Þingeyri. Lottótölurnar eru: 1, 3, 12, 15 og 16. Bónustalan var 20. Fjórir voru með fjórar tölur réttar og bónustöluna. Fær hver þeirra rúmar 153 þúsund krónur.

Þorrablótið verður haldið 29. janúar 2011. Verður það með svipuðu sniði eins og undanfarin ár; þorrahlaðborð, skemmtiatriði og ball á eftir. Verður auglýst nánar þegar nær dregur.

Kveðja, Nefndin.

 

Myndir frá jólaballi eru komnar á vefinn, þær má finna hér. Myndirnar tók Davíð Davíðsson, áhugaljósmyndari á Þingeyri. Á heimasíðu hans má einnig finna fleiri jólamyndir frá Þingeyri.

Dýrfirðingar hafa verið duglegir við að safna í brennu undanfarna daga en árið 2010 verður kvatt með áramótabrennu á Þingeyrarodda kl. 20:15 í kvöld. Þá verður áramótadansleikur á Veitingahorninu frá miðnættis til 03:00. Hljómsveitin Stuðpinnarnir frá Þingeyri mun leika fyrir dansi og aðgangseyrir er 500 krónur. Aldurstakmark er 18 ár.
Við hjá Þingeyrarvefnum þökkum fyrir liðið ár og vonum að nýja árið verði ykkur öllum gott og gæfuríkt!

Hið árlega jólaball Höfrungs verður haldið í Félagsheimilinu á morgun, 28.desember, kl . 16:00. Að vanda verður dansað í kringum jólatréð, boðið upp á kakó og meðlæti og heyrst hefur að jólasveinarnir ætli að gera sér ferð í Dýrafjörðinn. Að jólaballi loknu, eða frá kl. 19:30 - 22:00, verður diskótek í sundlauginni á vegum Íþróttamiðstöðvarinnar og Félags-miðstöðvarinnar Dýra. Aðgangur að diskótekinu er ókeypis en það er hugsað fyrir börn á unglingastigi.  Miðvikudagskvöldið 29.desember verður jólavist í Héraðskólanum að Núpi kl 20:30 á vegum Kvenfélags Mýrahrepps. Boðið verður upp á kaffi og rjómavöfflur og er aðgangseyrir 1000 krónur.
Dýrfirðingar og nærsveitamenn eru hvattir til að mæta á viðburðina og gleðjast saman á jólahátíðinni.

Við hjá Þingeyrarvefnum óskum öllum Dýrfirðingum nær og fjær gleðilegra jóla með von um farsælt komandi ár. Við þökkum fyrir heimsóknirnar á síðuna og minnum á að við tökum fréttaábendingum og myndum, tengdum Dýrfirðingum og firðinum fagra, ávallt fagnandi. Hafið það sem allra best um hátíðirnar kæru Dýrfirðingar!

Fyrirhugaðir tónleikar með karlakórnum Erni, sem átti að halda seinna í kvöld, falla niður af óviðráðanlegum orsökum.

Tónleikum, með karlakórnum Erni, sem átti að halda í Félagsheimilinu í kvöld hefur verið frestað vegna veðurs. Tónleikarnir verða þess í stað haldnir næstkomandi mánudagskvöld kl. 20:00. Karlakórinn mun einnig vera með tónleika í Ísafjarðarkirkju á sunnudaginn, 19.desember, kl. 20:00.