A A A
  • 1967 - Hrafngerğur Ösp Elíasdóttir
10.04.2019 - 13:34 | Grunnskóli Şingeyrar

Árshátíğ Grunnskólans

Nemendur á elsta stigi sáu um auglısingahönnun.
Nemendur á elsta stigi sáu um auglısingahönnun.
« 1 af 4 »

Hin árlega árshátíð Grunnskólans á Þingeyri verður haldin á morgun, fimmtudaginn 11. apríl. Hefð hefur skapast fyrir því að hafa árshátíð grunnskólans opna skemmtun þar sem nemendur leggja til ýmis skemmtiatriði bæði leikin og sungin, en annað hvert ár vinna allir nemendur grunnskólans að einu stóru leikverki. Árshátíðin í ár er afar metnarðarfull en nemendur skólans hafa síðustu vikur æft af kappi leikritið um ævintýrastrákinn Pétur Pan og félaga hans. 

 

Sýningarnar eru tvær, en sú fyrri er kl. 10:00 þar sem skólabörn Leikskólans Laufási koma einnig fram og syngja. Seinni sýningin er kl. 20:00 og munu nemendur í 8.-9. bekk vera með sjoppu í hléi og er það hluti af fjáröflun þeirra fyrir 10. bekkjar ferð. 


Aðgangseyri er 2000 kr. fyrir 16 ára og eldri en frítt fyrir börn. Sýningin tekur um einá og hálfa klst.

 

 

10.04.2019 - 10:55 |

Gangnafréttir

Yfirlit yfir vikulega framvindu í Dırafjarğargöngum
Yfirlit yfir vikulega framvindu í Dırafjarğargöngum
« 1 af 4 »

Í viku 14 voru grafnir 88,6 m í göngunum Dýrafjarðarmeginn. Lengd ganganna í Dýrafirði var í lok vikunnar 1.572,5 m sem er 95,7 % af leggnum sem er eftir og er búið að grafa í heildina 98,7 % af göngunum. Eru núna 70,9 m að gegnumbroti.

 

Grafið var í basalti og þunnu setlagi. Efni úr göngunum var keyrt beint í veg. Í göngunum Arnarfjarðarmeginn var unnið við lagnavinnu. Í lok vikunnar var búið að setja niður lagnir í hægri vegöxl á rúmlega 330 m kafla. 

 

Í vegagerð Dýrafjarðarmegin var haldið áfram með sömu vinnu og verið hefur í gangi undanfarið þ.e. grjótröðun og vinnslu efnis úr Nautahjallanámu og mokstur úr skeringum en efnið úr þeim hefur farið í vegfyllingu og fláafleyga. Efni úr göngunum notað til að hækka vegfyllingarnar næst munnanum.

 

Í vegskálanum í Dýrafirði var einn hluti af þrifalagi steyptur og fyrstu tveir hlutarnir af sökklinum steyptir en hver hluti er 12 m langur.

 

Yfirlit yfir vikulega framvindu Dırafjarğarganga Dırafjarğarmegin
Yfirlit yfir vikulega framvindu Dırafjarğarganga Dırafjarğarmegin
« 1 af 9 »

Ágætis gangur í gangagreftri í vikunni sem var að líða en þá lengdust göngin um 80,9 m.

Lengd ganga Dýrafjarðarmegin er þá orðin 1.483,9 m og samanlögð lengd ganga 5.141,5 m sem er 97,0% af heildarlengd. Lengd að gegnumbroti er nú aðeins um 159,5 m.

Auk gangagerðar vinnur verktaki jöfnum höndum í vegagerð og gerð grjótvarnar sem er hvort tveggja óðum að taka á sig mynd. Þá hóf verktaki undirbúning fyrir byggingu vegskála í Dýrafirði og var fyrsta þrifalagssteypan undir sökkla steypt í vikunni.

Frumteikningar af hitaveitu Auðkúluhrepps í bígerð


Þau ánægjulegu tíðindi urðu í fyrrinótt um hálf fjögur leytið, að heitt vatn spratt fram í Dýrafjarðargöngum. Nánar tiltekið var það á svipuðum stað og vötnum hallar í göngunum, þó að mestu leyti Auðkúluhreppsmegin. Enda eru göngin að verulegu leyti Arnarfjarðarmegin í fjallinu sem kunnugt er. Vatnið er um 70 gráðu heitt á Celsíus. Segja þeir hjá Vesturverki að rennslið sé um 50 sekúndulítrar. Verður það að teljast mjög ákjósanlegt, bæði hiti og rennsli. Rennur þessi heiti straumur út Rauðsstaðamegin alveg undir kontról, við mikinn fögnuð íbúa í Auðkúluhreppi.

    Á sínum tíma var samið um að ef upp kæmi heitt vatn í göngunum, mundi það tilheyra Auðkúluhreppi og er það liður í byggðamálum. Nokkrir dropar af vatninu renna út Dýrafjarðarmegin. Er það í athugun hjá hreppsnefnd Auðkúluhrepps að láta nágrannana njóta góðs af því. Enda gott samkomulag milli fjarðanna.

Það var einmitt haldinn fundur í hreppsnefnd Auðkúluhrepps í morgun og var þessu tíðindum fagnað mjög. Gefur þetta byr undir uppbyggingu þá í hreppnum sem tilkynnt var um í fyrra. Lagt var upp með að byggja lúxus íbúðarhús, til dæmis á Karlsstöðum og Hjallkárseyri og víðar reyndar. Einnig hús fyrir venjulegt fólk. Þegar nú hillir undir hitaveituna, sem löngu er ákveðin, má búast við að Auðkúluhreppur byggist aftur. Sama má segja um Þingeyrarhrepp, en þar hefur byggð einnig verið á fallanda fæti eins og allir kunnugir vita. Samþykkt var í hreppsnefndinni að veita 100 þúsund kr. styrk til að láta gera frumteikningar af Hitaveitu Auðkúluhrepps. 

Merkilegt er hvað sundlaugargestir í Sundlauginni á Þingeyri hafa gaman af að gera að gamni sínu, til dæmis snemma á morgnana. Svo tíðkast þar alls konar menningarupplestrar og ályktanir í lands-og heimsmálum sem gárunganir segja að minni bara á Snorra gamla í Reykholti sællar minningar. Kallinn var víst alltaf í laugu, sem menn kölluðu náttúrlega Snorralaug og stjórnaði þaðan öllu með harðri hendi. Í Þingeyrarlaug er Þingeyrarakademían sístarfandi og er hún víst orðin heimsfræg, eða þannig. Og fleira mætti nefna ef út í það væri farið sem nú segir....
Meira

Tónleikar hjá karlakórnum Erni sem áttu að vera í kvöld falla niður vegna veðurs. Stefnt er að tónleikum í apríl eftir utanlandsferð kórsins.

25.03.2019 - 10:31 |

240,4 m ağ gegnumbroti

Unniğ viğ skeringar ekki langt frá munnanum
Unniğ viğ skeringar ekki langt frá munnanum
« 1 af 4 »
Í viku 12 voru grafnir 70,0 m í göngunum Dýrafjarðarmeginn auk 18,5 m í neyðarrými, samtals 88,5 m. Lengd ganganna í Dýrafirði var í lok vikunnar 1.403,0 m sem er 85,4 % af leggnum sem er eftir og er búið að grafa í heildina 95,5 % af göngunum. Eru núna 240,4 m að gegnumbroti....
Meira
22.03.2019 - 12:25 | Hallgrímur Sveinsson

Í tilefni dagsins: Hvağ er Andorra?

 Mynd: Skíğasvæği í Andorra. (Wikipedia)
Mynd: Skíğasvæği í Andorra. (Wikipedia)

Það barst í tal hjá spekingunum í sundlauginni á Þingeyri í morgun hvað þetta Andorra eiginlega væri sem strákarnir okkar ætla að fara að spila við í fótboltanum í kvöld. Við fórum náttúrlega að rifja upp gömlu landafræðina og svo á Wikipedia auðvitað. Í örstuttu máli fyrir hina fróðleiksfúsu:

Andorra er landlukt furstadæmi í austurhluta Pyreneafjalla, milli Frakklands og Spánar. Höfuðborgin heitir Andorra la Vella og er sú höfuðborg Evrópu sem stendur hæst, í 1.023 metra hæð. (Madrid, höfuðborg Spánar er 646 m. y. s.) Landið er aðeins 468 ferkílómetrar að flatarmáli og er því sjötta minnsta land Evrópu. Sem sagt eitt af dvergríkjunum. Frakklandsforseti er formlegur
þjóðhöfðingi.

Meðal íbúa Andorra mæla flestir katalónsku (39%) og næstflestir spænsku (35%). Þvínæst koma portúgalska (15%) og franska (5%). Aðeins þriðjungur landsmanna eru andorrískir að uppruna.

Andorra er vinsæll ferðamannastaður sem fær yfir 10 milljónir ferðamanna árlega. Áður fyrr var smygl á vörum milli Frakklands og Spánar mikið stundað samkvæmt gömlu landafræðinni. Þar eru vinsæl skíðasvæði. Landið er auk þess skattaskjól. Það er ekki í Evrópusambandinu. Árið 2016 var íbúafjöldi 77,281. Lífslíkur í Andorra voru þær mestu í heimi árið 2013, 81 ár.

Hvorki flugvellir né lestarsamgöngur eru í landinu. Þó eru til þyrlupallar. Vegakerfið er 279 kílómetrar að lengd.

Eldri færslur
« Ágúst »
S M Ş M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31