Svokallaðir Dúa-bílar eru nú fáanlegir aftur eftir langt hlé en ungur smiður úr Dýrafirði, Úlfar Már Sófusson, smíðar leikföngin í frímtíma sínum. Dúa-bílarnir eru dýrfisk hönnun og voru fyrst smíðaðir á 9. áratug síðustu aldar í leikfangasmiðjunni Öldunni á Þingeyri. Nafn bílsins er dregið af þeirri skemmtilegu fjörðun sem er í bílnum og gerir það að verkum að bíllinn „dúar". Foreldar Úlfars keyptu leikfangasmiðjuna Ölduna af Kaupfélagi Dýrfirðinga á 10.áratugnum og tóku þá við smíði bílanna. „Pabbi minn smíðaði bæði Dúabílana og Dúdú vagnana í nokkur ár. Eftir að hann lést hefur lítið sem ekkert verið smíðað af þessum bílum eða þar til ég tók mig til haustið 2009 og gerði nokkra bíla, meðal annars vegna þess að þá hafði ég sjálfur nýlega eignast strák og langaði til þess að hann fengi sinn bíl".
Meira

Foreldrafélag Laufáss ætlar að vera með "kaffihúsadag" í Simbahöllinni fimmtudaginn 19. apríl frá klukkan 14:00-17:00. Þar verður hægt að koma saman og eiga notalega stund. Bæði verður kökubasar og hægt verður að kaupa sér kökusneið og kaffi til að njóta á staðnum. Fögnum sumri, hittumst og styrkjum gott málefni.

Stjórn foreldrafélagsins.

Annað 10 klukkustunda saumanámskeið hefst á laugardaginn kemur, þann 14. apríl. Námskeiðin fara fram í Grunnskólanum og eru saumavélar á staðnum. Farið verður í undirstöðuatriðin í saumaskap, eins og að taka mál, taka upp snið og sníða. Námskeiðið hentar bæði þeim sem eru að byrja að sauma og lengra komnum. Ýmis saumablöð eru staðnum og efnisprufur sem hægt er að skoða. Núna er líka hægt að versla einhver efni til sauma á Ísafirði.

Skráningar og nánari upplýsingar veitir Borgný Gunnarsdóttir í síma 893 8653

Nýtt námskeið í sunderobikk hefst í dag, miðvikudaginn 11. apríl. Tímarnir verða eins og áður á laugardögum frá kl. 9.00-10.00 og miðvikudögum frá kl. 19.30-20.30. Alls eru þetta 10 skipti og námskeiðsgjald er 6000.- Nýjir þátttakendur velkomnir! Einnig verða rólegir tímar í boði fyrir þá sem vilja á miðvikudagsmorgnum frá kl. 9.15-10.00. Alls 5 skipti og námskeiðsgjald er 3000.-
Skráning er í afgreiðslu í síma 450-8470 (Íþróttahús) eða 696-3213 (Signý)

Alls sóttu sjö um embætti sóknarprests í Þingeyrarprestakalli en umsóknarfrestur rann út þann 30.mars síðastliðinn. Eftirtaldir sóttu um stöðuna: Cand. theol. Anna Eiríksdóttir, Cand. theol. Gunnar Stígur Reynisson, Séra Hildur Inga Rúnarsdóttir, Cand. theol. Jóhanna Magnúsdóttir, Cand. theol. Jón Pálsson, Cand. theol. Salvar Geir Guðgeirsson, og Cand. theol. Sigríður Rún Tryggvadóttir. Biskup Íslands skipar í embættið til fimm ára að fenginni umsögn valnefndar. Valnefnd skipa níu manns úr prestakallinu og prófasturinn í Vestfjarðarprófastsdæmi. Í Þingeyrarprestakalli eru fimm sóknir: Hrafnseyrarsókn, Mýrasókn, Núpssókn, Sæbólssókn og Þingeyrarsókn. Þetta kemur fram á www.kirkjan.is.

Verkefni Halldórs Gunnars Pálssonar, og félaga hans í Fjallabræðrum, hefur gengið vel og nú hafa rúmlega 400 manns á Vestfjörðum tekið þátt. Halldór Gunnar ætlar að fanga rödd Dýrfirðinga í dag en hann verður í félagsheimilinu á Þingeyri kl. 17:30. Dýrfirðingar eru hvattir til að fjölmenna og má til gamans segja frá því að á heimasíðu verkefnisins stendur að búist sé við góðri mætingu á Þingeyri enda "Þingeyringar annálaðir söngmenn". Á heimasíðu verkefnisins, thjodlag.is, má jafnframt sjá bæði textann og nóturnar ef einhverjir vilja æfa sig áður en þeir halda af stað í félagsheimilið.

Spurningakeppnin Veistu hvað?? verður haldin á Veitingahorninu á morgun, skírdag, kl. 21:00. Keppnin verður með sama sniði og fyrri ár en þetta er þriðja árið í röð sem hún er haldin. Spyrillinn að þessu sinni er hann Malli Þóris, og að vanda eru veglegir vinningar í boði. Að keppni lokinni munu svo trúbadorar spila á Veitingahorninu.
Dýrfirðingar og aðrir gestir eru hvattir til að fjölmenna og hafa gaman saman!

Nú er 2. hefti af Basil fursta komið út. Það nefnist Ævintýri í næturklúbbi og má búast við að hvert heftið komi nú á fætur öðru. Enginn veit með neinni vissu hvaðan Basil fursti, konungur leynilögreglumanna, er ættaður. Munnmælasögur sögðu, að móðir hans hefði verið drottning einhvers ríkis í Evrópu. Enn aðrir halda því fram að hann hefði verið rússneskur aðalsmaður, nátengdur keisaranum. En hann var stórauðugur og ferðalöngun hans ótæmandi, enda hefur hann ferðast um flest lönd heims. Furstinn er einstæðingur og liggur sú ástæða til þess er hér skal greina: Á unga aldri mun hann hafa elskað stúlku, sem brá heitum við hann. Um þetta er að vísu ekki til nein saga, en þetta kemur víða fram í ævintýrum hans...


Meira