Íþróttafólk verður áberandi í Dýrafirði um helgina en á morgun, föstudag, hefst Hlaupahátíð á Vestfjörðum. Hátíðin fer fram með svipuðu sniði og fyrri ár en þetta er í fjórða sinn sem hún er haldin. Á morgun verður keppt í sjósundi við Neðstakaupstað á Ísafirði, og annað kvöld verður keppt í Óshlíðarhlaupinu. Á laugardag fer fram fjallahjólreiðakeppni í Dýrafirði, þar sem hjóluð er 55 km leið um skagann milli Arnarfjarðar og Dýrafjarðar, og skemmtiskokk á Þingeyri, þar sem hægt er að velja um tvær vegalengdir. Þá verður einnig boðið upp á útiyoga við íþróttamiðstöðina á Þingeyri að keppni lokinni. Hátíðinni lýkur svo á sunnudag með Vesturgötuhlaupi þar sem keppt er í þremur vegalengdum. Í liðinni viku var undirritaður samningur milli forsvarsmanna Hlaupahátíðarinnar og Íslandsbanka þar sem bankinn mun verða aðalstyrktaraðili hátíðarinnar næstu fimm árin. Þá var einnig skrifað undir samning við Ölgerðina, sem ætlar að sjá hátíðinni fyrir drykkjum næstu þrjú árin. Frekari upplýsingar um hátíðina og einstaka viðburði er að finna hér og á heimasíðu Hlaupahátíðarinnar.

Um næstu helgi fer fram hestaþing Hestamannafélagsins Storms á Söndum. Dagskrá mótsins hefur verið birt á heimasíðu Storms en hún hefst föstudaginn 13.júlí með forkeppni í öllum flokkum. Dagskránni lýkur með kvöldvöku á laugardagskvöldinu þar sem meðal annars verður dregið um veglega vinninga í happdrætti Storms, en bæði folald og folatollar eru meðal þess sem hægt er að vinna. Tekið er á móti skráningu keppnishrossa til kl. 22:00 annað kvöld í síma: 867-8937 og á netfangið: svalabe@gmail.com. Nánari upplýsingar er að finna á heimasíðu Storms.

Fagnaðarfundir.  Bjarni Guðmundsson á Hvanneyri í gær;  brosandi með hefti af Basil fursta.

Basil fursti á Hvanneyri

Safnadagurinn var haldinn hátíðlegur víða um land í gær sunnudaginn 8. júlí

 

Fjöldi fólks kom til Hvanneyrar í Borgarfirði og naut þess sem þar var í boði. Landbúnaðarsafnið og fleira var opið og ákveðinn hápunktur dagsins var sagnaganga Dýrfirðingsins Bjarna Guðmundssonar um Hvanneyrarhlöð.

 

Dýrfirskættaður Önfirðingur á Eyrarbakka og hjálparkokkur Vestfirska forlagsins á Þingeyri var á staðnum og eftir sagnagönguna færði hann Bjarna hefti af Basil fursta. Urðu þar fagnaðarfundir því Basil fursti var í mikum metum hjá Bjarna á fyrri tíð og er hann sérlega ánægður með þetta nýja menningarlega innslag Vestfirska forlagsins.

 

Fleiri myndir síðar frá sagnagöngunni á Hvanneyri

Hvanneyri í Borgarfirði. Næst er Hvanneyrarkirkja sem teiknuð var af Dýrfirðingnum Rögnvaldi Ólafssyni sem og fleiri hús þar.
.
Bjarni Guðmundsson með sagnagöngu á Hvanneyri sunnudaginn 8. júlí 2012
.

Safnadagur 8. júlí - Mjólkursagnaganga ofl.
.

Kl. 14 verður sagnaganga um gamla skólastaðinn á Hvanneyri, þar sem m.a. má sjá sérstætt og merkilegt dæmasafn íslenskrar húsagerðarlistar frá öndverðri síðustu öld.

 

...
Meira

Arnarnúpur í Dýrafirði.
.
Ganga á Arnarnúp í Dýrafirði laugardaginn 7. júlí 2012
.

Ferðafélag Ísfirðinga er með göngu laugardaginn 7. júlí.

Gengið er frá Sveinseyri í Dýrafirði upp á Arnarnúp í 558 mys. Á fáum stöðum er útsýni yfir Dýrafjörð jafn stórbrotið. Göngutími er 4 klst.
Mæting er við sundlaugina á Þingeyri klukkan 9:45.
Sameinast um bíla til Þingeyrar kl. 8:45 við Íþróttahúsið á Torfnesi.
Tveggja skóa ganga. Verð 1000.

Umsjónarmaður Rögnvaldur Þór Óskarsson, sími 846 7980
Fararstjóri Þórir Örn Guðmundsson.   ATHUGIÐ: SKRÁNING í síma 863-2412 .
.

.

Á Dýrafjarðardögum mátti sjá margar skemmtilegar og frumlegar skreytingar í bænum. Ein af þeim var mjólkurfernuhús sem Daðey Arnborg Sigþórsdóttir setti saman og málaði í hátíðarlitunum. Fernunum er raðað í veggi líkt og múrsteinum, og þar sem fjölskyldan er enn að safna í þakið er teygjulak notað til bráðabirgða. Hver veggur er stakur svo það er auðvelt að taka húsið í sundur og geyma en það er límt saman með málningarlímbandi. Daðey segir að í rakanum og rigningunni hafi málningarlímbandið hins vegar farið illa og bendir öðrum húsagerðarmeisturum á að styrkja með glæru límbandi eftir að húsið hefur verið sett saman og málað.

Nú fer að líða að félagsmóti Hestamannafélagsins Storms á Söndum en það fer fram helgina 13. - 14.júlí. Síðastliðinn miðvikudag var vinnukvöld skipulagt vegna lagfæringar á mótsvæðinu og til stendur að endurtaka leikinn, enda að mörgu að huga. Þeir sem vilja hjálpa til eru hvattir til að mæta að Söndum kl. 18:00 í kvöld en meðal verkefna eru girðinga-, málninga- og smíðavinna. Einnig eru þeir sem geta og vilja starfa við mótið sjálft hvattir til að hafa samband við mótsnefnd. Nánari upplýsingar er að finna á heimsíðu Storms og á Facebook síðu þeirra.

Lóðirnar dregnar. Komin full doría af vænni lúðu og enn er hluti veiðafæranna í sjó.

Oft þarf að fara þrisvar-, fjórum sinnum eða jafnvel oftar út til að ná allri línunni inn. 

.
Lúðuveiðar og hátíðarhöld á þjóðhátíðardeginum 4. júlí 1890
.

Haustið 2010 út; hjá Vestfirska forlaginu á Þingeyri, bók sem heitir Undir miðnætursól - Amerískir lúðuveiðarar við Ísland 1884-1897 eftir Jóhann Diego Arnórsson. Saga lúðuveiðaranna er mikilvægur hluti af sögu Dýrafjarðar en Þingeyrar þó sérstaklega.

Í bók sinni rekur Jóhann Diego rækilega margt af því sem tengdist hinum amerísku lúðuveiðurum, störfum þeirra, afdrifum og örlögum.  Skipsbók lúðuveiðiskipsins Concord árið 1890 er afar fróðlegur kafli af mörgu merkilegu sem í bókinni er.

Hér má sjá þrjá 4. júlí .

Föstudagur 4. júlí 1890. (Fjórði júlí er þjóðhátíðardagur Bandaríkjamanna.)

Í garð er genginn hinn happasæli fjórði. Klukkan fjögur í morgun mokuðum við

út pönnu af salti og flökuðum fiskinn okkar. Þá tókum við upp og færðum okkur um

set. Vindur var þessa stundina suðvestlægur og jók ört í vindinn. Við létum þó

aðeins berast stuttan spöl og settum aftur niður akkeri. Við settum upp þjóðfánann

okkar og gengum síðan til náða. Það leit út fyrir að það ætlaði að gera einhvern rosa

í veðrinu og straumþunginn jókst.

 

Klukkan um sex létti svo til að við gátum sett niður færin okkar og enn dró úr.

Klukkan átta sáum við svo til amerískrar skútu á siglingu út með Hornbjargi.

Skonnortan Commonwealth er enn í sjónmáli. Þetta hefur verið sérlega þurr fjórði

en í morgun fengum við okkur einn góðan og svo aftur einn undir kvöldið svo lítil

hætta er á höfuðverk í fyrramálið. Það verður fátt um þetta að segja heima og hvað

með það? Svona lauk okkar skemmtun.
.
Bókin er til sölu í bókaverslunum um land allt og  í netverslun Vestfirska forlagsins: -  www.vestfirska.is
.

.