Umsóknir um dvöl í íbúð fræðimanns í Kaupmannahöfn 2017

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota tímabilið 4. janúar til 19. desember 2017. Umsóknir um íbúðina skulu hafa borist skrifstofu Alþingis eigi síðar mánudaginn 31. október næstkomandi.
 Allar nánari upplýsingar og sérstök eyðublöð er að finna á heimasíðu Jónshúss.

Fræðimenn, sem hyggjast stunda rannsóknir eða vinna að verkefnum í Kaupmannahöfn, geta sótt um afnot af íbúðinni, sem er á 4. hæð Jónshúss. Íbúðin er tveggja herbergja og fylgir henni allur nauðsynlegasti heimilisbúnaður. 
Afnotin eru endurgjaldslaus, en þeim sem fá úthlutað ber þó að greiða fyrir þrif íbúðarinnar og rekstrarkostnað, alls kr. 45.000.

...
Meira

Spekingarnir í heita pottinum á Þingeyri eru miklir spekingar eins og kunnugt er. Í morgun voru þeir auðvitað að ræða málefni dagsins, hvað annað. Það kom fram í umræðunni að ef og þegar þeir komast á þing, þá muni þeir um leið og þeir koma þar inn úr dyrum leggja fram frumvarp um að farið verði eftir lögum um launajafnrétti karla og kvenna á landi hér. Og þeir muni heimta að það virki þrjú ár aftur í tímann.

    En hvar er það sem skórinn kreppir að í þessum efnum var spurning sem brann á sumum. Það er nefnilega það! Það var gáfulega spurt eða hitt þó heldur.

...
Meira

Frá tíðindamanni okkar í Hafnarfirði:

Hér kemur úthlutun Fiskistofu á aflaheimildum til báta sem skráðir eru á Þingeyri í upphafi fiskveiðiársins 2016/2017 í þorskígildum talið. 
Þá eru allar tegundir umreiknaðar í svokölluð þorskígildi. Svo geta menn selt og keypt heimildir og munu þá þessar tölur geta breyst.

...
Meira

Síðust ár hefur verið í gildi vetrarlokun á Þingeyrarflugvelli vegna frostskemmda. „Völlurinn hefur verið opinn frá 1. júní til 15. október en vegna hagstæðs veðurs í haust verður hann opinn til 1. nóvember hið minnsta,“ segir Arnór Magnússon, svæðisstjóri Isavia á Vestfjörðum. Ástæða þess að vellinum er lokað yfir vetrartímann er að efsta burðarlagið í brautinni er rakadrægt sem aftur veldur frostlyftingu á veturna. 
„Völlurinn er skilgreindur í dag sem malarvöllur. Það eru göt á slitlaginu og það nokkuð laust á kafla og við þurfum að valta brautina á vorin áður en völlurinn er opnaður,“ segir Arnór 
Þingeyrarvöllur fékk heljarmikla yfirhalningu árið 2006 þegar brautin var lengd og sett slitlag á hana auk lendingarljósa og byggingu nýrrar vélaskemmu. Arnór segir að kostnaður við framkvæmdirnar hafi verið rúmar 300 milljónir kr. á verðlagi þess árs....
Meira

• Nóttin sem öllu breytti heitir bók sem Sóley Eiríksdóttir sagnfræðingur hefur skrifað og er að koma út
• Meðhöfundur að bókinni er Helga Guðrún Johnson blaðamaður
• Bók þessi fjallar um snjóflóðið á Flateyri, sem féll á byggðina þar 26. október 1995 og varð tuttugu manns að bana
„Ég var grafin þarna lifandi upp úr snjónum,“ segir Sóley Eiríksdóttir þegar hún er spurð um tengsl sín við þennan hræðilega atburð.
...
Meira

Hér á landi virðist allt vera komið að þolmörkum eða jafnvel yfir þau. Það vantar peninga til alls: Heilbrigðiskerfið, leikskólinn, grunnskólinn, vegakerfið, sauðfjárræktin, innviðir ferðamennskunnar, lögreglan, almannatryggingar. Þetta er allt að hruni komið segja margir spekingar.

   Blessað fólkið sem er að bjóða sig fram til setu á Alþingi! Hvar á það að taka peningana til að redda þessu öllu? Það má náttúrlega ekki hækka skatta. Það má ekki leggja komugjöld á erlenda ferðamenn. Og svona mætti lengi telja. En þessari litlu þjóð liggur svo svakalega mikið á. Allt undir brot og slit að breyta, helst öllu. Og sameina. Endilega að stækka og sameina og selja og kaupa. Auka lífsgæðin. Þekkt er slagorð okkar ágætu stjórnmálamanna hvar í flokki sem þeir standa: Við þurfum að bæta lífskjörin!  

...
Meira

Egill Ólafsson fæddist á Hnjóti við Örlygshöfn 14. október 1925. Foreldrar hans voru Ólafur Magnússon frá Örlygshöfn, bóndi þar, og k.h., Ólafía Egilsdóttir frá Sjöundá, ljósmóðir í Rauðasandshreppi.

Eiginkona Egils var Ragnheiður Magnúsdóttir, húsfreyja og bóndi, frá Flatey á Breiðafirði, en hún lést 2001.

Synir þeirra: Ólafur, f. 1954; Egill Steinar, f. 1955, d. 1969; Kristinn Þór, f. 1958, og Gunnar, f. 1962. Fyrir átti Ragnheiður Magnús Jónsson, f. 1947.

Egill bjó á Hnjóti alla tíð. Hann var vinsæll og vinmargur, frumkvöðull í ræktun og búskap, gestrisinn og framfarasinnaður.

Egill var landgræðsluvörður Landgræðslunnar í Vestur-Barðastrandarsýslu á fjórða áratug, gegndi því starfi af miklum dugnaði og stöðvaði m.a. sandfok við Sauðlauksdal og Patreksfjarðarflugvöll.

...
Meira

Fjölmargar umsóknir bárust um styrki til menningarmála, en atvinnu- og menningarmálanefnd Ísafjarðarbær afgreiddi á síðasta fundi sínum hauststyrki 2016. Í afgreiðslu nefndarinnar er bent á að samkvæmt reglum bæjarins um úthlutun styrkja til menningarmála skulu ekki veittir rekstrar-, stofnkostnaðar- eða endurbótastyrki, heldur séu framlög bæjarins ætluð til einstakra verkefna. Að jafnaði eru ekki veittir ferðastyrkir. 

Eftirtalin verkefni hlutu styrki: ...
Meira