Dýrfirðingurinn Karítas Diðriksdóttir, með ræturnur að Núpi í Dýrafirði en móðir hennar er Viktoría Valdimarsdóttir, hefur verið ráðin markaðsstjóri hjá íslenska barnafatamerkinu iglo+indi. Karítas er nýflutt til Íslands eftir 8 ára dvöl í New York, London og Þýskalandi. Hún starfaði síðast sem Director of Brand Partnerships hjá hátískufyrirtækinu Moda Operandi í New York þar sem hún vann m.a. með tískumerkjunum Marc Jacobs, Kenzo og Valentino. Karítas mun styðja við öran vöxt fyrirtækisins á erlendum og innlendum mörkuðum. Þetta kemur fram í fréttatilkynningu frá igo+indi.
Karítas er viðskiptafræðingur frá Háskólanum í Reykjavík og stundaði skiptinám við CBS í Kaupmannahöfn. Hún hefur starfað á fyrirtækjasviði hjá Straumi fjárfestingarbanka á Íslandi og í London, hjá fjármálafyrirtækinu SNL Financial í London og hjá Icelandair í Frankfurt.
...
Sigurður Pétursson sagnfræðingur, sem ritstýrt hefur vefnum síðustu misserin, segir sínum afskiptum af honum lokið og óvissa er því um framtíð hans. Þó ekki slík að vefurinn gæti aldrei tekið við sér aftur því Sigurður sagði í samtali við Morgunblaðið að það væri aldrei að vita nema vefurinn tæki við sér aftur. Hann er þó lagstur í dvala sem stendur og verður það í einhvern tíma.
„Hvort ég tek við honum aftur eða annað og kannski yngra fólk verður tíminn einn að leiða í ljós.“
...
Aldrei hafa verið fleiri góðar ástæður til að heimsækja Vestfirði yfir vetrarmánuðina. Þar má finna mikla náttúrusæld, einstakar laugar og áhugaverð söfn. Það sem meira er: Vestfirðingar eru menningarsinnað fólk og metnaðarfullt leikhússtarf á svæðinu.
„Menningarlífið hér er mjög fjölbreytt og hefur Ísafjörður t.d. komist á kortið sem mikill tónlistarbær, og eins er margt um að vera í þorpunum í kring. Þannig er á Þingeyri starfrækt öflugt áhugamannaleikfélag sem setur upp veglega barnaleiksýningu hvern vetur og í þetta skipti sýna þau Dýrin í Hálsaskógi,“ segir Elfar Logi Hannesson.
Sjálfur er Elfar aðaldriffjöðrin í starfi Kómedíuleikhússins (www.komedia.is), eina atvinnuleikhúss Vestfjarða. Leikhúsið var stofnað árið 1997 í Reykjavík en fluttist til Vestfjarða árið 2000.
...
„Ég bað ekki um þessa kauphækkun.“
„Ég vissi ekki af þessari kauphækkun.“
„Ég þarf ekki þessa kauphækkun.“
Svo mörg voru þau orð og fleiri. Þetta eru ótrúlegar yfirlýsingar. Þetta sýnir að við höfum forseta sem skilur hlutverk sitt. Þetta mættu ýmsir taka til sín. Til dæmis þeir sem berjast fyrir kaupaukum og bónusum ofan á tuttugu-þrjátíuföld verkamannalaun á mánuði eða jafnvel meira.
...
Enn er verið að leggja grunn að því að Sóley ÍS 225 geti að nýju átt heimahöfn á Flateyri. Undirbúningsnefnd hittist í Múlakaffi í hádeginu mánudaginn 31. október 2016 og ræddi næstu skref.
Ákveðið var að halda fund með heimamönnum hið fyrsta ásamt því að ræða við bæjaryfirvöld um möguleika þess að skipið verði tekið á land á hafnarsvæðinu á Flateyri og gert þar út til ferðaþjónustu.
Þegar er búið að ræða við fjölda fólks sem þekkir til ferðaþjónustu og fá óformlegt álit á þeim möguleikum sem skipið hefur upp á að bjóða.
Það virðist samdóma álit að einhverskonar útgerðartengt sögusafn í skipinu ætti að geta dregið ferðafólk að þorpinu.
Meðal annars hefur okkur verið bent á að því meira áberandi sem skipið verði því betur auglýsi það sig sjálft með mynddreifingum ferðafólks um allan heim.
...
Hörður var í föðurætt af miklum listamannaættum. Föðursystkini Harðar voru Einar myndhöggvari; Guðný, amma Sveins Björnssonar sendiherra, og Valgerður, amma Nínu Tryggvadóttur listmálara.
Bjarni var sonur Jóns, b. á Galtarfelli, bróður Helga, langafa Alfreðs Flóka, teiknarans frábæra. Jón var sonur Bjarna, bónda í Bolafæti Jónssonar og Helgu Halldórsdóttur, systur Guðfinnu, langömmu Gests Þorgrímssonar myndlistarmanns. Sesselja var dóttir Guðmundar Guðmundssonar, bónda í Deild á Akranesi.
Eiginkona Harðar var Katla Pálsdóttir húsfreyja og eignuðust þau tvö börn, Áslaugu Guðrúnu og Hörð.
...
Ásgeir var tvíkvæntur. Fyrri kona hans var Sigríður Sigurhjartardóttir sem lést 1951 og eignuðust þau þrjá syni, Jóhann múrarameistara, Magnús húsasmíðameistara og Sigurð tæknifræðing. Seinni kona Ásgeirs var Njóla Jónsdóttir húsfreyja.
Ásgeir stundaði nám við MA 1926-30 en var vikið úr skóla vegna frægrar, pólitískrar greinar sem hann skrifaði í Rétt, árið 1930, sem bar heitið Hreyfing íslenskrar öreigaæsku.
...
