A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
02.02.2015 - 20:18 | bb.is

Vísismenn hafa staðið við sitt

Þingeyri við Dýrafjörð.
Þingeyri við Dýrafjörð.
« 1 af 2 »
Vísir hf. á Þingeyri hefur staðið við kjarasamninga og gott betur, að sögn Finnboga Sveinbjörnssonar, formanns Verkalýðsfélags Vestfirðinga. Finnbogi fundaði með starfsfólki Vísis í dag. Fyrir helgi bárust félaginu ábendingar um að ekki hafi verið greitt samkvæmt samningum í janúar en engin vinnsla hefur verið hjá fyrirtækinu á þessu ári. „Við fórum yfir launaseðla og það er greinilegt að Vísismenn hafa staðið við sitt og þeir eru að gera betur en lágmarksákvæði kveða á um og ég fagna því og það mættu fleiri taka sér þá til fyrirmyndar hvað það varðar,“ segir Finnbogi. 

Hann segir að fundurinn hafi verið góður og starfsfólk verið ánægt með hann. „Þeir sem ekki komust á fundinn og telja eitthvað athugavert við launagreiðslur er bent á að tala við Vísi og það verður lagað,“ segir Finnbogi. Í morgun var tilkynnt að vinnsla hefjist aftur á miðvikudag. „Það er mjög jákvætt að það verði aftur unnið í húsinu og ég talaði við Pétur framkvæmdastjóra Vísis í morgun og hann talaði um að það stæði ekkert annað til en að það yrði vinnsla fram til 4. apríl,“ segir Finnbogi. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31