A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
09.06.2016 - 07:02 | Vestfirska forlagið,Hallgrímur Sveinsson

Vestfirsku Alparnir: - Tófa hér og tófa þar og minkur allsstaðar!

Miðbæjarfeðgar, Guðberg Kristjan Gunnarsson og Hákon Kristjánsson. Ljósm.: H.S.
Miðbæjarfeðgar, Guðberg Kristjan Gunnarsson og Hákon Kristjánsson. Ljósm.: H.S.

    Það vita allir  að heimskautarefurinn á sinn þegnrétt á landi hér. Hann var kominn hingað löngu á undan mannskepnunni. Hefur þolað með henni súrt og sætt í landinu. Og báðar tegundirnar fallið úr hor þegar verst gegndi. Melrakkinn er vitur eins og mörg önnur dýr merkurinnar. En hann má ekki vaxa okkur yfir höfuð. Og minkurinn. Hann nefnum við ekki ógrátandi hér fyrir vestan.  

   Æðarbændur og fleiri eru margir gráir fyrir járnum þessa dagana. Þeir eru eins og útspýtt hundsskinn  við að verja vörp sín sem mikla vinnu og natni þarf til að koma upp. Ef þeir myndu láta það ógert þyrfti ekkert að spyrja um æðardún hér vestra, þá merkilegu náttúruafurð. Minkur og tófa geta nefnilega splundrað stóru æðarvarpi á örskömmum tíma. Þess eru dæmin. Hér skal fullyrt, að sjaldan eða aldrei hefur verið annað eins af mink og tófu hér um slóðir eins og nú. Búið er að fella tugi dýra en sér ekki högg á vatni.   

   Það er alveg klárt mál, að æðardúnninn sem til fellur í Ísafjarðarbæ er upp á nokkur hundruð milljónir króna þessi árin. Beinharður gjaldeyrir fyrir gjaldeyrishungraða þjóð. Er það ekki almenn skynsemi fyrir Ísafjarðarbæ að verja slíka tekjustofna? 

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31