Edinborgarhúsið á Ísafirði sem Dýrfirðingurinn Rögnvaldur Ólafsson teiknaði.

Bókmenntadagskráin Vestanvindar í Edinborg á Ísafirði

Hin árlega bókmenntadagskrá Vestanvindar verður kl. 17 á morgun, sunnudaginn 14. júní 2015 í Edinborg menningarmiðstöð á Ísafirði.

Friðrika Benónýsdóttir bókmenntarýnir heldur erindið Hafði lagði þennan veg, sem fjallar um birtingarmyndir hins vestfirska þorps í íslenskum bókmenntum. Friðrika beinir sjónum sínum að rithöfundunum Eiríki Guðmundssyni og Eiríki Erni Norðdahl og verkum þeirra. Báðir hafa búið fyrir vestan, Bolungarvík var heimabær Eiríks Guðmundssonar í æsku og bók hans 1983 lýsir horfnum þorpsanda. Eiríkur Örn bjó lengst af á Ísafirði, þar sem hann skrifaði Illsku.

Morgunblaðið laugardagurinn 13. júní 2015