27.05.2015 - 16:56 | skutull.is,BIB
Verk Vest frestar verkföllum - Viðræður komnar á skrið
Það er mat samninganefndar Starfsgreinasambandsins að gefinn skuli tími til að reyna til þrautar að ná samningum, án verkfalla. Kröfugerð Starfsgreinasambandsins er sem fyrr grundvöllur áframhaldandi viðræðna, segir í tilkynningu á vef SGS.
Reiknað er með að samningar verkalýðsfélaganna innan SGS séu á sömu nótum og drög að samkomulagi sem birt var í gærkvöld á vegum Flóafélaganna og VR og við sögðum frá á Skutli í gærkvöld.
Verkföllum er því frestað sem hér segir: Verkfalli 28. og 29. maí er frestað til 3. og 4. júní. Ótímabundnu verkfalli 6. júní er frestað til 12. júní.
