A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
30.07.2016 - 08:57 | bb.is,Vestfirska forlagið

Talsvert tjón í Dýrafirði vegna of hárrar spennu

Mjólkárvirkjun
Mjólkárvirkjun
„Við höfum fengið nokkrar tilkynningar um tjón í Dýrafirði á miðvikudaginn vegna þess að of há spenna fór inn á dreifikerfið,“ segir Halldór V. Magnússon, framkvæmdastjóri veitusviðs hjá Orkubúi Vestfjarða í samtali við BB nú í morgunsárið. Hann segir þetta hafa orsakast þannig að vegna vinnu við endurnýjun vélbúnaðar í Mjólkárvirkjun hafi þurft að keyra varaaflsvél á Þingeyri en við innsetningu eftir vélakeyrslu virkaði ekki spennumæling þannig að of há spenna fór tímabundið inn á kerfið áður en náðist að bregðast við. 

Samkvæmt heimildum blaðsins var nokkuð um að smá og stór raftæki hafi skemmst í Dýrafirði. Ómar Dýri Sigurðsson á Ketilseyri varð fyrir töluverðu tjóni. „Hér eyðilagðist meðal annars þurrkari, örbylgjuofn, heimasíminn, hleðslutæki fyrir síma og tölvu, hitalagnir í gólfum. Svo sprungu einhverjar perur líka,“ segir hann í samtali við BB. Þá segir Inga Vignisdóttir á Þingeyri að raftæki hafi eyðilagst meðal annars í lyfjaútibúi Lyfju á Þingeyri, sem dæmi reiknivél. 

Að sögn Halldórs hjá OV verður viðskiptavinum bætt tjónið. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31