Sumartími í Landbúnaðarsafninu á Hvanneyri
Frá 1. júní er Landbúnaðarsafnið opið daglega kl.11-17 eins og Ullarselið en afgreiðsla er sameiginleg fyrir báðar stofnanir.
Safnleiðsögn er veitt eftir aðstæðum, en sé hennar sérstaklega óskað biðjum við ykkur að hringja í síma 844 7740.
Þetta er fyrsta sumar hinnar nýju grunnsýningar safnsins sem opnuð var 2. október sl. í Halldórsfjósi - gamla fjósinu á Hvanneyri.
Gestagangur hefur verið töluverður í safninu á þessu vori. Í dag voru t.d. á ferð liðlega 40 MR-ingar, og í gær nær 60 nemendur 8., 9. og 10. bekkjar Grunnskóla Borgarfjarðar sem unnu verkefni í safninu.
Þá væntum við kanadískra bænda á fimmtudaginn og um næstu helgi koma tvennir afmælisárgangar Hvanneyringa í heimsókn og þannig mætti fleira telja.
Nokkrir atburðir eru á dagskránni sem síðar verða kynntir.
Verið velkomin í Landbúnaðarsafn og Ullarsel.
Þá minnum við á Skemmuna kaffihús í næsta nágrenni safnsins (í elsta húsinu á staðnum) sem opnað var í gær, 1. júni. Kaffihúsið verður opið frá kl. 13.30 dag hvern. Þið finnið kaffihúsið m.a. á Facebook ..
Umsjónarmaður Landbúnaðarsafnsins á Hvanneri er Dýrfirðingurinn Bjarni Guðmundssn.
