Víkingur, eins og fleiri skip, hefur elt loðnuna að Dýrafirði. Fréttablaðið/GVA

Þær fréttir berast af loðnumiðunum að skipin séu enn í ágætri veiði, þó hratt dragi að lokum vertíðar. Aðalloðnutorfan sem veitt hefur verið úr er nú út af Dýrafirði, en loðna veiðist einnig úti fyrir Norðurog Suðurlandi.

,,Við erum búnir að elta þessa loðnu hingað norður eftir og erum komnir með um 1.200 tonn í sjö köstum,“ segir Albert Sveinsson, skipstjóri á Víkingi AK, í frétt á vef HB Granda. Víkingur hefur undanfarna daga elt loðnugönguna frá Snæfellsnesi og norður úr að Dýrafirði.

„Þetta veiðisvæði er út af Fljótunum eða Siglufirði og mér skilst að ágæt veiði hafi fengist þar. Þarna hafa verið ein fjögur til fimm skip og mér skilst líka að loðnan þarna sé ekki eins langt gengin og sú hér fyrir vestan og hrognafyllingin sé því lægri. Þá hefur Jón Kjartansson SU verið að kasta á loðnu einhvers staðar við suðurströndina,“ segir Albert.