Í dag, miðvikudaginn 25. nóvember 2015 kl 17:00, bjóðum við upp á annað bókaspjallið þetta haust. Er það jafnframt það sjötta í röðinni og eru sem fyrr tvö stutt erindi á dagskrá.

Bókaspjallið
Önfirðingurinn Anna Sigríður Ólafsdóttir, Annska, er gestur bókaspjallsins. Annska er einn af stofnendum Glæpafélags Vestfjarða, sem er áhugafélag um innlendar glæpasögur og ár hvert afhendir félagið Tindabikkjuna fyrir bestu íslensku glæpasöguna. Það er spurning hvort glæpasaga verði á meðal þeirra bóka sem fjallað verður um?

Bíldudals bingó og leiklist
Elfar Logi Hannesson, tengdasonur Dýrafjarðar, leikari og Kómedíuleikhússtjóri er líkt og Annska einn af stofnfélögum  Glæpafélagsins.
Á árinu hefur Elfar Logi gefið út tvær bækur og í erindi sínu mun hann segja frá og lesa upp úr þeim. Í báðum tilvikum er sögusviðið æskustöðvar Elfars Loga. Bíldudals bingó fjallar um æskuárin, en í Leiklist á Bíldudal er eins og nafnið gefur til kynna farið yfir leiklistarsögu þorpsins.   

Verið kærlega velkomin, heitt á könnunni.

Safnahúsið á Ísafirði