Elfar Logi og Jón Sigurður á heimavelli á Bíldudal.

Elfar Logi Hannesson og Jón Sigurður Eyjólfsson kynna bók sína Bíldudals bingó í Simbahöllinni á Þingeyri í kvöld, fimmtudaginn 9. júlí 2015,  kl. 21:00.  

  Sú bók er uppfull af uppvaxtarsögum að vestan en þær komu uppá yfirborðið þegar mannfræðingur rannsakaði þá fóstbræður. Rannsóknin var gerð til að vísindamenn gerðu sér betri grein fyrir heilkenni einu sem er algengt á Bíldudal með þeim afleiðingum að fólk þar vex ekki uppúr barnaskap sínum.

   Bók þeirra ærslabelgjanna frá Bíldudal hefur verið vel tekið og er fyrsta upplag nánast á þrotum eða þannig sko.