A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
03.12.2008 - 01:32 | bb.is

Lömbin seld á Facebook

Sigurður Arnfjörð við smölunina í Hjarðardal í sumar. Mynd: bb.is
Sigurður Arnfjörð við smölunina í Hjarðardal í sumar. Mynd: bb.is
Bræðurnir Sigurður Arnfjörð og Guðmundur Helgi Helgasynir vinna nú að því að fá kjötvinnsluna að Núpi í Dýrafirði löggilda svo þeir geti hafið þar framleiðslu úr heima héraði. „Málið er allt á byrjunarreit en við höfum rætt við nokkra smásöluaðila um að selja vöruna, þar á meðal eina verslun sem við viljum ekki nefna á nafn á meðan enn er eftir að ganga frá lausum endum", segir Sigurður Arnfjörð hótelstjóri að Núpi. Um er að ræða tilraunaverkefni sem hófst í kjölfarið á því að ákveðið var að bjóða upp á sérvalið lambakjöt úr heimabyggð á matseðli hótelsins. „Ég hjálpaði til við smölun í Hjarðardal í Dýrafirði í sumar og sérvaldi 15 lömb sem jólahlaðborðsgestum á Núpi gefst kostur á að snæða og það hefur vakið mikla lukku. Nú ætlum við að ganga enn lengra og ætlum að taka að okkur að vinna öll lömbin sem leidd verða til slátrunar frá Hjarðardal næsta haust, sem verða á bilinu 300-500. Það er ágætis aukning milli ára að fara úr 15 í 300", segir Sigurður.

 

Næsta skref er að sögn bræðranna um að láta taka út kjötvinnsluna og gera hana löggilda því hún er eins og er einungis hæf til að vinna kjöt fyrir veitingastaðinn og þá bændur sem panta sér tíma til að slátra fyrir verkefnið Beint frá býli. „Við vonumst að með þessu muni fleiri bændur muni taka upp á þessu. Við erum í raun á hverju hausti að missa mikil verðmæti úr fjórðungnum með því að senda lömbin annað í slátrun en ekkert sláturhús er á Vestfjörðum. Þar af leiðandi erum við að búa til störf í öðrum landshlutum í stað okkar heimabyggðar. Við viljum sporna gegn þessu og halda verðmætasköpuninni fyrir vestan", segir Sigurður.

 

Bræðurnir hafa einnig stofnað Facebook-síðuna „Ég er að vestan" sem inniheldur rúmlega 2200 meðlimi og ætla að styðjast við netið við sölu á kjötinu. „Við munum þegar þar að kemu,r senda tölvupóst á alla í grúppunni og þeir geta þá pantað læri, frampart eða hvað sem þá langar til. Við teljum okkur vera komin með það góðan grunn að við getum leikandi létt selt yfir 300 lömb", segir Guðmundur matreiðslumeistari en hann hefur starfað lengi vel við matartengda ferðaþjónustu á veitingastaðnum Friðrik V á Akureyri.

 

http://www.facebook.com/group.php?gid=31133273799

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31