A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Simbahöllin á Þingeyri.
Simbahöllin á Þingeyri.
Á morgun, föstudagskvöldið 16. okt. 2015, verður mikið um dýrðir í Simbahöllinni á Þingeyri. Þá munu rithöfundurinn Júlía Margrét Einarsdóttir, ljóðskáldið Dagur Hjartarson og harmonikkuleikarinn Margrét Arnardóttir leiða saman hesta sína og bjóða til tónlistar- og upplestrarveislu. Júlía Margrét hefur gefið út safnrit með ljóðum og smásögum en er að leggja lokahönd á fyrsta skáldverkið sitt en hún hlaut styrk frá Hinu íslenska bókmenntafélagi til útgáfunnar. Dagur hefur bæði gefið út skáldsögur og ljóð og Margrét er harmonikkuleikkona á heimsmælikvarða ásamt því að hafa lagt stund á jóðl. 

"Við Margrét dveljum hérna hjá Wouter og Janne þessa vikuna og erum að semja og æfa harmonikkutónlist og vinna í skáldsögu. Foreldrar Dags eiga hús hér á Þingeyri svo hann kemur oft hingað - en það er hrein tilviljun að við séum hér á sama tíma núna", segir Júlía Margrét. Hún segir að viðburðurinn hafi ekki verið þaulskipulagður, heldur hafi röð tilviljana leitt til þessarar samkomu. "Við ákváðum í hvatvísi að nýta tækifærið og bjóða upp á eitthvað skemmtilegt fyrir bæjarbúa, nærsveitunga og þá sem hafa áhuga á að koma og gleðjast með okkur." 

Á tónlestrinum verður boðuð upp á bakkelsi, huggulega stemningu og létt spjall, ásamt hljóðum tóna og lesturs. Herlegheitin hefjast kl 20:00 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31