A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
26.01.2016 - 16:11 | bb.is,Vestfirska forlagið

Litháískir listamenn flykkjast til Þingeyrar

Von er á fjölmörgum litháískum listamönnum til Þingeyrar á listavinnustofur á vegum Simbahallarinnar
Von er á fjölmörgum litháískum listamönnum til Þingeyrar á listavinnustofur á vegum Simbahallarinnar
Von er á fjölmörgum litháískum listamönnum til Þingeyrar næstu vikurnar og er von á þeim fyrstu þangað í kvöld. Munu listamennirnir dvelja á listavinnustofu Simbahallarinnar – fremja list og sýna. Listamennirnir koma á vegum samstarfsverkefnis Simbahallarinnar og listavinnustofu í Litháen, Utenos meno centras. Verkefnið er Evrópuverkefni undir hatti EEA Grants, sem styrkir samstarfsverkefni Íslands, Noregs og Lictenstein við Evrópusambandslöndin. Samstarf komst á á milli Simbahallarinnar og listavinnustofunnar í Utena í gegnum Vaidu Bražiūnaitė, sem kemur frá Utena en er búsett á Vestfjörðum. 

Yfirheiti verkefnisins er Questioning arts. Því var svo skipt niður í fjögur ólík þemu sem hver og einn hópur vinnur með. Þrír hópanna unnu í Litháen en einn mun vinna á Þingeyri og hefst sú vinnustofa í vikulokin undir yfirskriftinni - Vegna veðurs. Þrenn sett vestfirskra listamanna hafa þegar dvalið mánaðarlangt á listavinnustofunni ytra, þar sem hverju sinni dvöldu sex manna hópar sem í voru tveir frá Íslandi og fjórir frá Litháen. 

Samhliða mánaðarlöngu vinnustofunni, munu hinir þrír hóparnir koma til vikudvalar á Þingeyri. Í það heila munu 12 litháískir listamenn koma til Þingeyrar og næstu fjórar helgar verða opnaðar í Simbahöllinni ólíkar sýningar á verkum listamannanna út frá því þema sem unnið var með hverju sinni. Hópurinn sem nú er væntanlegur ríður á vaðið og þema þess hóps er þjóðmenning Litháens.
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31