Forsíða
Hafa samband
English
A A A
  • 1978 - Elín Soffía Pilkington
  • 1990 - Sólrún Arney Siggeirsdóttir
  • 1993 - Jónas Kristinn Jónasson
28.09.2016 - 08:51 | skutull.is,Vestfirska forlagið

Lilja Rafney efst hjá Vinstri grænum í Norðvesturkjördæmi

Lilja Rafney á fundi á Þingeyri fyrir nokkru.
Lilja Rafney á fundi á Þingeyri fyrir nokkru.
Lilja Rafney Magnúsdóttir alþingismaður varð efst í forvali Vinstri grænna í Norðvesturkjördæmi. Hún hlaut 328 atkvæði í fyrsta sæti, tuttugu atkvæðum meira en Bjarni Jónsson frá Sauðárkróki sem hlaut annað sætið. Í þriðja sæti varð Dagný Rósa Úlfarsdóttir kennari á Skagaströnd og í fjórða Lárus Ástmar Hannesson frá Stykkishólmi. Aðeins munaði 16 atkvæðum á þeim í þriðja sætið. Fimmta og sjötta sæti skipa Þóra Geirlaug Bjartmarsdóttir Kleppjárnsreykjum í Borgarfirði og Rúnar Gíslason úr Borgarnesi.

Atkvæði voru talin í forvali Vinstri grænna í Norðvesturkjördæmi í Borgarnesi. Alls voru 859 atkvæði greidd, þar af 787 gild atkvæði. Á kjörskrá voru 1102, sem jafngildir 78% kjörsókn. Kjörstjórn mun leggja tillögu að heildarlista á fundi á Hvanneyri næstkomandi fimmtudag kl. 20:00.

Þetta kemur fram á vefsíðu VG, og þar má sjá atkvæði frambjóðenda í einstök sæti.
Til baka
« Maí »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Eldri spurningar & svör