Hljómsveitinni Between Mountains.

Þær stöllur Katla Vigdís Vernharðsdóttir frá Suðureyri og Ásrós Helga Guðmundsdóttir frá Núpi í Dýrafirði í hljómsveitinni Between Mountains halda ótrauðar áfram á tónlistarbrautinni og nú er verið að framleiða tónlistarmyndband við lagið „Into the Dark“. Það er Haukur Björgvinsson hjá Sagafilm sem leikstýrir myndabandinu en framleiðandi er Chanel Björk og segir hún að mikill metnaður sé lagður í myndbandið.

Upptökur fara fram á Vestfjörðum helgina 9.-12. nóvember n.k. og nú leita þær Katla Vigdís og Ásrós Helga að aukaleikurum á aldrinum 6 til 80 ára og vilja þær sjá sem flesta vestfirsk andlit í myndbandinu.

„Fólk þarf ekki að vera laust alla helgina og mögulegt að bóka sig í senur á föstudag, laugardag eða sunnudag“ segir Chanel Björk og biðlar til vestfiskra vina.

Hafa samband í netfangið chanelbjork@gmail.com, sérstaklega vantar fullorðna leikara.