26.07.2016 - 19:47 | skutull.is,Vestfirska forlagið
Ísafjarðarbær verður sérstakur gestur Reykjavíkur á menningarnótt
Kannski konur úr Ísafjarðarbæ fjömenni á peysufötunum á Menningarnótt í Reykjavík?
Bæjaryfirvöld leita nú til íbúa úr Ísafjarðarbæ, núverandi og brottfluttra, að gefa kost á sér með sýningum, kynningum, tónlistaratriðum eða hverju öðru sem þeir telja geta verið áhugavert og viðeigandi undir merkjum íbúa Ísafjarðarbæjar á Menningarnótt. Verður megin áherslan lögð á listafólk og atvinnulíf, en allar hugmyndir eru vel þegnar að sögn Gísla H. Halldórssonar bæjarstjóra.
Ísafjarðarbær hvetur þá sem eiga tök á að vera með áhugaverð atriði til að hafa samband við Magneu Garðarsdóttur hjá Atvinnuþróunarfélagi Vestfjarða (magnea@atvest.is), en hún mun halda utan um nöfn áhugasamra og framsettar hugmyndir þeirra. Gott er að láta fylgja stutta lýsingu á verkefni og hvað þarf til að láta það verða að veruleika. Í ráðhúsinu verður kostur á sviði og hljóðkerfi og starfsfólk Höfuðborgarstofu mun verða okkur innan handar með uppsetningu verkefna.
