Hallgrímur Sveinsson.

Allt bendir til þess að það yrði íslensku þjóðinni til mikillar gæfu að taka á móti svo sem eins og 500 manns frá Sýrlandi nú þegar. Fjölskyldufólki. Hlynna að þeim á mannsæmandi hátt og með fullri virðingu. Láta samt ekki skrifræðið stjórna okkur endalaust, þó að sjálfsögðu verði að gæta vissra formsatriða. Bjóða þeim að vera hjá okkur þangað til þeir geta farið heim aftur. Eða setjast hér að til frambúðar.

Í lok heimsstyrjaldarinnar síðari skipulögðu nokkrir hugsjónamenn flutning hundraða kvenna til Íslands frá stríðshrjáðu Þýskalandi. (Reyndar voru karlmenn líka með í för). Og gerðust flestar vinnukonur hjá íslenskum bændum. Margar þeirra giftust þeim svo. Þetta var mikið gæfuspor sem við framkvæmdum með einu pennastriki þó við hefðum engin efni á því. Mundum við hafa efni á því núna?

Vilji er allt sem þarf sagði Einar Benediktsson forðum.

Sjá pistil Hallgríms neðst á síðunni neðst í texatnum.