Snjómoksturstækin að störfum í Horninu efst í kinninni í norðanverðri Hrafnseyrarheiði. Það er að sjá mikill blástur frá snjóblásara Vegagerðarinnar sem er framan á Paylodernum hjá honum Gunnsa okkar. Hálfgerður hvalablástur! Ljósm. H. S.

Svona leit þetta nú út í horninu að norðanverðu síðla dags í dag. Snjór með minna mót. Þegar verklok voru hjá köppunum í dag, voru þeir komnir yfir í Skipadal að vestanverðu. Ljósm. H. S.

« 1 af 2 »

Í morgun hófst snjómokstur á fullu á Hrafnseyrarheiði. Stóra ýtan frá Bolungavík kom meira að segja til að liðka fyrir snjóblásaranum á Hrafnseyrarheiðinni. Hefur þetta skotgengið hjá þeim í dag. Mokstur hófst einnig á Dynjandisheiði í morgun að vestanverðu. Mokstur á heiðunum tekur að sjálfsögðu einhverja daga.

    Þegar við vorum að skrölta þetta í dag, mættum við tveimur bílum með útlendum ferðamönnum. Voru þeir á suðurleið og ætluðu að aka sem leið liggur yfir Hrafnseyrar-oog Dynjandisheiðar samkvæmt GSM kortinu í símanum, eða hvað það er kallað. Svona er þetta bara og fer vaxandi. Það er einhversstaðar gat í þessu ferðamannakerfi okkar.