A A A
  • 1935 - Soffía Einarsdóttir
15.11.2015 - 06:40 | bb.is,BIB

Harmonikkuball í Edinborg

« 1 af 2 »
Harmonikkuball verður haldið í Edinborgarhúsinu á Ísafirði í dag, sunnudaginn 15. nóvember 2015, frá kl. 14:00 til 16:00. Er þetta eitt af verkefnum Rauða krossins sem er liður í að bæta mannlífið og fylla uppí það sem vantar í skemmtanaflóruna sem annars er fjölbreytt á Vestförðum. 

Dansiböllin sem voru svo vinsæl áður fyrr eru að mestu dottin niður og í staðinn eru næturböll sem í sjálfu sér eru líka skemmtileg og fjölsótt en fólk saknar gömlu dansanna og stuðlaganna sem leikin eru á harmonikku. Þess vegna er boðið upp á dansleik á miðjum degi með harmonikkuspili og dúndrandi fjöri. Þeir sem ekki dansa geta komið og sungið með og fengið sér kökur og kaffi og spjallað. Fólk er duglegt að sækja þessa dansleiki, sérstaklega Dýrfirðingar og Bolvíkingar sem ekki láta sig vanta á böllin.

Ballið er haldið í samstarfi við Menningarmiðstöðina Edinborg og það er frítt inn. 


Harmonikkufélag Vestfjarða var stofnað 1986, það auglýst á dögunum eftir fleiri félagsmönnum en félagið er með æfingar tvisvar í viku í vetur. Baldur Geirmundsson mun stjórna æfingum og þeir sem vilja vera með að vilja kynna sér málið geta haft samband við Karitas Pálsdóttir í síma 456 3664 eða kajapals@snerpa.is 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31