17.06.2018 - 21:35 |
Gangnalengd Dýrafjarðarganga nálgast 50%
Vikuleg framvinda í viku 24 við gangagerð Dýrafjarðarganga
Í viku 24 voru grafnir 88,7 m í göngunum og er því heildarlengd ganganna nú 2.646,7 m eða 49,9 %. Í vikunni var sama stórstuðlaða basaltlagið á stafni allan tímann. Sprengingar hafa gengið vel og hefur efni verið keyrt beint í fláafleyg.
Haldið var áfram með Hrafnseyrarveg, moldarjarðvegur var tekinn undan og lagður á fyrirhugaða fláalínu neðan vegar og fyllt jafnóðum í vegkassa með sprengigrjóti úr göngum. Undir lok vikunnar var undirstöðum bráðabirgðarbrúar og burðarbitum á Hófsá komið fyrir.
Í Dýrafirði var haldið áfram með borun á presplitt flötum og sprengdar nokkrar færur, þar er jarðfræðin sem fyrr nokkuð fjölbreytt.
