A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
28.04.2015 - 07:09 | Ólafur V. Þórðarson

Frá sjávarsíðunni

Ólafur V. Þórðarson og Friðfinnur Sigurðsson frá Ketilseyri. Hér eru karlar að splæsa vír fyrir sjávarútveginn. Þetta var á þeim árum er Fáfnir hf. var og hét. Ljósm.: H. S.
Ólafur V. Þórðarson og Friðfinnur Sigurðsson frá Ketilseyri. Hér eru karlar að splæsa vír fyrir sjávarútveginn. Þetta var á þeim árum er Fáfnir hf. var og hét. Ljósm.: H. S.

Þó hart sé í ári er margt sem bendir til að vorið sé að koma.

Grásleppukarlarnir eru farnir að leggja net sín en tíðarfarið gerir þeim erfitt fyrir. Palli Björns er búinn að vitja  fjórum sinnum og hefur landað 4158 kg. Hólmgeir hefur vitjað þrisvar og landað 1322 kg. Siggi Friggi er búinn að leggja en hefur ekki getað vitjað vegna veðurs.

Héðan af Hafnarfjarðarsvæðinu er það að frétta að fimm Rússar sem eru að fara á Reykjaneshrygginn hafa komið hér við og fengið ýmsa þjónustu. Hef ég spurnir af að því að aðrir hafi komið við bæði í Reykjavík og Keflavík.

Farfuglarnir flykkjast til landsins, ég sá maríuerlu í gær og útvarpið sagði að krían væri komin fyrir austan. Og lóan er hér í stórum hópum í öllum görðum.

 

Ólafur V. Þórðarson.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31