Fimm kauptilboð hafa borist í fasteignina að Vallargötu 1 á Þingeyri. Tilboðin eru frá Hrafnhildi Skúladóttur upp á 420.000 krónur. Jóhönnu Gunnarsdóttur upp á 520.000 krónur. Sigurði G. Guðjónssyni f.h. óstofnaðs félags upp á 500.000 krónur, frá Sonju Elínu Thompson og Valdimar Elíassyni upp á 500.000 krónur og frá Þorvaldi Jóni Ottóssyni f.h. Rósa ehf. upp á 400.000 krónur. Á fundi bæjarráðs þann 6. júlí síðastliðinn barst tilboð í húsið sem aldre hafði verið formlega auglýst til sölu. Í kjölfar tilboðsins ákvað bæjarráð Ísafjarðarbæjar að auglýsa eignina og rann tilboðsfrestur út 15. júlí s.l.

Bæjarráð hefur beint þeirri spurningum til umhverfisnefndar bæjarins, hvort fyrir liggi afstaða nefndarinnar til þess hvar húsið sé best staðsett til framtíðar. Jafnframt óskar bæjarráð eftir því að könnuð verði afstaða íbúasamtakanna Átaks á Þingeyri til staðsetningar hússins. Bæjarráð mun ekki taka afstöðu til kauptilboðanna fyrr en frekari upplýsingar liggja fyrir um staðsetningu og lóðamál eignarinnar.