Hvanneyrarhátíð var haldin laugardaginn 8. júlí síðastliðinn á Hvanneyri í Borgarfirði.

Ríflega 1000 manns lögðu leið sína að Hvanneyri þennan dag og nutu heimatilbúinnar dagskrár, veitinga og hvert annars.
Við setningu hátíðarinnar var Hvanneyringurinn og Dýrfirðingurinn Bjarni Guðmundsson í Lækjartúni heiðraður fyrir áratuga starf í þágu Landbúnaðarsafnsins ásamt því að sveitarstjóri Borgarbyggðar, Gunnlaugur Júlíusson, hélt stutta tölu.

Á hátíðinni fékk Landbúnaðarsafn Íslands formlega afhent þrítengibeisli og vökvalyftu úr Ferguson árgerð 1949 en það var Fergusonfélagið sem færði safninu þessa höfðinglegu gjöf.

Bændablaðið.