A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Dýrafjörður.
Dýrafjörður.
« 1 af 2 »
,,Bæjarstjórn Ísafjarðarbæjar ítrekar nauðsyn þess að framkvæmd Dýrafjarðarganga verði boðin út á þessu ári, eins og gildandi samgönguáætlun gerir ráð fyrir. Hönnun Dýrafjarðarganga er nú lokið og Vegagerðin er tilbúin að bjóða verkið út þegar ákvörðun stjórnvalda um fjárframlög liggur fyrir," segir í ályktun sem samþykkt var með atkvæðum allra bæjarfulltrúa í Ísafjarðarbæ á síðasta fundi bæjarstjórnar.

Í rökstuðningi segir að það sé afar brýnt að stjórnvöld sýni í verki vilja sinn til uppbyggingar á Vestfjörðum. Framtíðarmöguleikar, meðal annars í fiskeldi og ferðamálum, og staðan í atvinnumálum á Þingeyri og á Flateyri að undanförnu, hljóta að vera hvatning til að taka á samgöngumálum af einurð og festu. Gerð Dýrafjarðarganga muni hafa afar jákvæð áhrif á atvinnu- og mannlíf á öllum Vestfjörðum til framtíðar og gjörbreytir öllum möguleikum til uppbyggingar á svæðinu. Þannig munu þau skila sínu í þjóðarbú landsmanna.

,,Samgöngubætur og ekki síst jarðgangagerð hafa margsannað áhrifamátt sinn í framþróun atvinnulífs og samfélaga. Í því samhengi má benda á eflingu byggðar á Tröllaskaga með tilkomu Héðinsfjarðarganga og þau jákvæðu áhrif sem tilkoma Bolungarvíkurganga hefur haft í för með sér. Hvalfjarðargöng er einnig afbragðs dæmi. Segja má að öll vegagöng á Íslandi hafi farið fram úr björtustu vonum.

Að lokum segir í ályktun bæjarstjórnar að byggðir á Vestfjörðum hafi ekki náð að þróast og eflast sem skyldi síðustu áratugi og möguleikar byggðanna til þróunar verið skertir verulega vegna lélegra samgangna, eða hreinlega samgönguleysis, á milli norður- og suðursvæðis Vestfjarða. Jafnframt hefur bið eftir samgöngubótum einnig heft ýmsa aðra framþróun sem fara á í samhliða t.d. jarðgangagerð. Má þar nefna lagningu raforkulína í gegnum jarðgöng
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31