A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
20.10.2010 - 21:13 | bb.is

BBC við tökur á Þingeyri

BBC mætti á Þingeyri til að mynda um borð í víkingaskipinu.
BBC mætti á Þingeyri til að mynda um borð í víkingaskipinu.
Tökulið á vegum BBC var stadd á Þingeyri á mánudag við tökur á heimildarmynd um Laxdælasögu. Dalla Jóhannsdóttir hjá Sagafilm fylgir tökuliðinu á ferð þess um landið. „Þingeyri er vissulega nokkuð fyrir utan sögusvið Laxdælu en þar er eina sjófæra víkingaskipið á landinu og við komum til að mynda um borð í því. Þetta var frábær dagur, veðrið eins og best verður á kosið og Bretarnir mjög hrifnir af umhverfinu," segir Dalla og bætir við að heimamenn hafa tekið vel á móti gestunum. „Þarna kom saman góður hópur til þess að róa skipinu, við fengum tvo myndarpilta, Anton Lína og Dag Steinarsson, til þess að leika þá Bolla og Kjartan, auk þess sem Daníel Kristjánsson las kafla úr Laxdælu á hafnarbakkanum."

Fyrirhugað er að sýna heimildarmyndina á BBC4 í apríl á næsta ári. „Sjónvarpsstöðin stendur þá fyrir Íslandsviku þar sem sýndar verða bæði íslenskar kvikmyndir og heimildarmyndir," segir Dalla sem nú er stödd við tökur í Dölunum á hinu upprunalega sögusviði Laxdælu.
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31