Elfar Logi Hannesson sem Gísli á Uppsölum.

Sýningar á Gísla á Uppsölum í Þjóðleikhúsinu hafa gengið fyrir fullu húsi frá fyrstu sýningu. Þremur aukasýningum var bætt við og er að seljast upp á tvær þær síðustu núna á miðvikudag og fimmtudag.

Því hefur verið bætt við aukaaukasýningum á helginni. Sýnt verður laugardag (11.feb.) og sunnudag (12. feb.) kl.17.00 báða dagana. Miðasala er þegar komin á fullt og fer fram á netinu á afþreyingarsölusíðunni www.tix.is

Einnig er hægt að panta miða í miðasölusíma Þjóðleikhússins 551 1200.

Að þeim sýningum loknum hefur Gísli verið sýndur alls 12 sinnum í Þjóðleikhúsinu en upphaflega stóð aðeins til að sýningarnar yrðu 2. Svona er nú lífið kómískt.

Kómedíuleikhúsið þakkar kærlega viðtökurnar á Gísla á Uppsölum.