Ásmundur Einar Daðason. Myndin er úr þingsal Alþingis og í bakgrunni má bæði sjá brjóstmynd og málverk af Jóni Sigurðssyni, forseta, frá Hrafnseyri við Arnarfjörð.

Ásmundur Einar Daðason, þingmaður Framsóknarflokksins í Norðvesturkjördæmi, ætlar ekki að bjóða sig fram í alþingiskosningunum í haust.

Þetta tilkynnti Ásmundur á kjördæmisþingi flokksins í Norðvesturkjördæmi og á Facebook síðu sinni í dag.

Ásmundur Einar er átjándi þingmaðurinn sem nú situr á þingi sem tilkynnt hefur að hann hyggist ekki bjóða sig fram.