22.03.2015 - 21:55 | bb.is
Afskekktasta og fallegasta landslag á jörðu
Séð úr Dýrafirði; yfir í Arnarfjörð og Breiðafjörð. Af fréttsíðu Bloomberg.
Að mati Christophers, eins og segir í fyrirsögn greinarinnar, er afskekktasta og fallegasta landslag í heimi að finna á Vestfjörðum. Hann hóf ferðina í Stykkishólmi og fór með Baldri yfir Breiðafjörð með viðkomu í Flatey. Þaðan var ferðinni heitið til Arnarfjarðar og svo norður yfir heiðar. Frá Ísafirði fór hann að Galtarvita og í Kvíar í Jökulfjörðum.
„Heimamennt trúa því að kjarna Vestfjarða sé að finna á Hornströndum,“ segir í greininni. „Svæðið var yfirgefið á sjötta áratugnum eftir að fiskistofnar minnkuðu og nokkur hundruð fjölskyldur neyddust til að flytja,“ skrifar Christopher sem fór að Kvíum með Borea Adventures og í bátsferðinni norður fékk hann að líta hnúfubak og að sjálfsögðu var tófan með sýningu þegar í land var komið.
► Greinin í Bloomberg
