Áfundi starfshóps um breytingar á reglum um byggðakvóta var lögð fram tafla um íbúaþróun í nokkrum vestfirskum byggðarlögum frá því að kvótakerfið var tekið upp.

Borinn er saman íbúafjöldi á árunum 1980-83 og 2013-16.
Þar kemur fram fækkun hefur orðið í öllum byggðarlögunum og mestur í þorpunum í vestur Ísafjarðarsýslu.

Á Flateyri fækkaði íbúum um 59% og 44% á Þingeyri. Á Suðureyri fækkaði um 43%. Mest varð fækkunin íbúum talið í Bolungavík eða um 373 manns og á Patreksfirði fækkaði um 335 manns.

Ísafjörður er ekki með í töflu starfshópsins en samkvæmt upplýsingum á vef Hagstofu Íslands voru íbúarnir að meðaltali 3.394 á tímabilinu 1980-83 og fækkaði um 835 fram til 2013-16 eða um 25%. Íbúarnir voru seinna tímabilið að meðaltali 2.559.

Blaðið Vestfirðir 13. júlí 2017.