Dýrfirðingurinn Hermann Gunnarsson hér í Haukadal.

Hermann Gunnarsson, betur þekktur sem Hemmi Gunn, lést þennan dag fyrir tveimur árum. Hemmi var landsþekktur skemmtikraftur og einn fremsti knattspyrnumaður Íslendinga á 20. öld. Hemmi spilaði með knattspyrnufélaginu Val auk þess sem hann spilaði með landsliði Íslands í fótbolta. Hemmi átti lengi metið yfir flest skoruð mörk í landsleikjum, allt til ársins 1995.

Síðar tók hann upp störf sem íþróttafréttamaður hjá Ríkissjónvarpinu.

Eftir störf sín sem íþróttafréttamaður stýrði hann spjallþættinum Á tali með Hemma Gunn sem naut gífurlegra vinsælda. Hemmi var einnig mikill tónunnandi og listamaður en hann söng inn á margar hljómplötur, m.a. fræg dægurlög á borð við Einn dans við mig og Fallerí fallera.

Fréttablaðið 4. júní 2015