A A A
  • 1935 - Vagna Sólveig Vagnsdóttir
06.03.2015 - 21:59 | Afmćlisrit Dýrfirđingafélagsins 2011 - Valdimar Elíasson

Víkingaskipiđ Vésteinn

Valdimar Elíasson.
Valdimar Elíasson.
« 1 af 3 »

Valdimar Elíasson húsasmiður, frá Sveinseyri við Dýrafjörð, útskrifaðist frá Stýrimannaskólanum árið 1989 og starfaði sem skipstjóri til ársins 2004. Hefur hann starfað við smíðar síðan og lauk sveinsprófi í húsasmíði vorið 2010.

Víkingaskipið Vésteinn 7650 er í eigu Áhugamannafélags um víkinga á Vestfjörðum. Félagið var stofnað í tengslum við Evrópuverkefnið Destination Viking – Sagaland. Vésteinn var smíðaður á Þingeyri af Valdimar Elíassyni og Anti Kreem, Eistlendingi sem starfaði hér við smíðar um tíma.

Smíði skipsins hófst í febrúarbyrjun og lauk þegar skipið var sjósett í lok júní sama ár. Stuðst var við teikningar af Gauksstaðaskipinu, en Vésteinn er helmingi minni eða 12 metra langur og 3ja metra breiður. Kjölurinn og stefnið er úr eik en byrðingurinn úr lerki. Timbrið var flutt inn frá Eistlandi.

Vésteinn tekur 18 farþega auk tveggja í áhöfn, 10 manns geta róið Vésteini en hann er einnig búinn hjálparvél þannig að farþegar þurfa ekki að róa frekar en þeir vilja. Þá má ekki gleyma seglinu, en það er þversegl sem er 27 fermetrar að stærð. Það er góð upplifun að sigla seglum þöndum í þægilegum byr.

Valdimar og kona hans Sonja Elín Thompson sjá um rekstur Vésteins en siglt er frá Þingeyri í styttri eða lengri ferðir um Dýrafjörð, hægt er að sigla með frá einum til 18 farþega í hverri ferð.

Skipið er búið góðum öryggisbúnaði, s.s. 25 manna björgunarfleka, björgunarvesti fyrir farþega og áhöfn, fjarskiptabúnaði og fleira. Vésteini er siglt eftir pöntunum, stysta sigling er 1-1,5 klst., en hægt er að skipuleggja ýmiss konar ferðir í samráði við farþega, t.d. út með norðanverðum firðinum þar sem fallega klettótta strönd Mýrafellsins ber fyrir sjónir. Þar má oft sjá seli, skarfa og annað fuglalíf. Vésteinn siglir frá maíbyrjun til septemberloka.

Ef þú hefur áhuga á siglingu með Vésteini þá endilega hafðu samband í síma 861 3267 (Valdi) eða síma 864 7616 ( Sonja) valdie@snerpa.is og við getum skipulagt ógleymanlega ferð með víkingaskipi.

Valdimar Elíasson
« September »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30