A A A
  • 1930 - Ástvaldur Ingi Guđmundsson
  • 1999 - Ţorlákur Ingi Sigmarsson
09.11.2015 - 22:28 | Ólafur V. Ţórđarson,Hallgrímur Sveinsson

Í minningu Guđrúnar Nönnu Sigurđardóttur prestsfrúar

Guđrún Nanna Sigurđardóttir og eiginmađur hennar séra Stefán Eggertsson.
Guđrún Nanna Sigurđardóttir og eiginmađur hennar séra Stefán Eggertsson.

Við fráfall séra Stefáns Eggertssonar árið 1978 sáu Dýrfirðingar á bak einum skeleggasta baráttumanni sínum í fjölmörgum málum. Og nú hefur  Guðrún eiginkona hans kvatt  eftir langvinn og erfið veikindi. Hún var ein af þeim konum sem stóð við hlið manns síns eins og klettur, hvað sem á dundi. Slíkra er gott að minnast.

   Guðrún var einstaklega dagfarsprúð í allri framkomu og hafði fallegt bros.

Hún var organisti við Þingeyrarkirku frá 1973 til 1978 og einnig í Hraunskirkju í Keldudal og Hrafnseyrarkirkju á sama tíma. Hún starfaði lengi í Kvenfélaginu Von á Þingeyri og formaður þess í mörg ár. Einnig vann hún um tíma á skrifstofu Kaupfélags Dýrfirðinga.  Guðrún fluttist suður fljótlega eftir lát séra Stefáns. Börn þeirra eru Eggert, rafeindavirki á Ísafirði og Sigrún, lífeindafræðingur í Reykjavík.

 

   Hætt er við að störf margra prestanna hefðu um margt orðið svipur hjá sjón í aldanna rás, ef þeir hefðu ekki haft við hlið sér konu sem var oft þeirra haldreipi. Bækurnar Öll þau Klukknaköll voru gefnar út til heiðurs öllum þessum góðu konum sem höfðu ekkert erindisbréf og engin laun. En þær veittu mönnum sínum oft styrk og kjark þegar mest á reyndi.

Ein þeirra prestskvenna sem skrifaði í Klukknaköllin tók svo til orða:

   “Þegar erfiðleikar koma upp hjá fólki er gjarnan leitað til prestsins og sumum finnst jafnvel nóg að tala við prestsfrúna til þess að létta á hjarta sínu.”

   Hvað hefði séra Bjarni Jónsson dómkirkjuprestur verið án Áslaugar?

   “Þá var séra Bjarni aldinn að árum, en andinn í fullu fjöri eins og venjulega og fuku hjá honum gamanyrðin. Allt í einu segir hann eitthvað á þessa leið: „Þegar ég er allur og farið verður að tala yfir mér, þá verður ekki talað um mig. Þá verður talað um Áslaugu og sagt:  „Hvað hefði séra Bjarni verið án Áslaugar? Hún stóð við hlið hans í öllu hans starfi og hún var svo dugleg að spila.” Þetta var sagt í gamansömum tón. En öllu gamni fylgir nokkur alvara. Ég held þetta hafi verið fegursti vitnisburðurinn, sem eiginmaður gat gefið konunni sinni, eftir hálfrar aldar sambúð.”

Svo skrifaði Anna Sigurkarlsdóttir prestsfrú á Eyrarbakka í bókinni Öll þau klukknaköll, frásagnir 25 prestskvenna, fyrra bindi. Síra Ágúst Sigurðsson, Guðrún L. Ásgeirsdóttir kona hans og Anna áttu heiðurinn af þeim bókum báðum. Í þeim kemur fram eins og rauður þráður hve stóran þátt eiginkona prestsins á oft í störfum manns síns. Guðrún Nanna Sigurðardóttir skrifar einn kaflann í ofangreindri bók og nefnist hann Þrjú skeið ævinnar. 

« September »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30