A A A
  • 1935 - Vagna Sˇlveig Vagnsdˇttir
13.02.2015 - 22:38 | A­sendar greinar - AfmŠlisrit Dřrfir­ingafÚlagsins 2011 - Gu­mundur Ingvarsson

HestamannafÚlagi­ Stormur

Gu­mundur Ingvarsson.
Gu­mundur Ingvarsson.
« 1 af 3 »

Guðmundur Ingvarsson fyrrverandi stöðvarstjóri Pósts og síma, Þingeyri

Hestamannafélagið Stormur var stofnað 29. ágúst 1971, aðsetur þess er að Söndum í Dýrafirði.

Félagssvæði þess eru norður- og suðurfirðir Vestfjarða. Mótssvæði félagsins er einnig að Söndum en þar hefur verið byggð upp ágæt aðstaða til mótshalda, vegna hinna ýmsu þarfa hvað varðar hestaíþróttir.

Stormur heldur sín hestamannamót síðla júlí ár hvert. Að móti loknu er afar vinsæll útreiðartúr farinn. Dæmi eru um að hestamenn komi til móts með hesta bara til að fara í þennan útreiðartúr. Félagsstarf Storms felst enn fremur í reiðnámskeiðahaldi ásamt fleiri uppákomum.

 

Stormur stóð að byggingu veglegrar reiðhallar að Söndum, ásamt Árna Erlingssyni, hrossabónda á Laugabóli í Arnarfirði. Reiðhöllin hefur skapað félagsstarfinu mikla möguleika fram yfir það sem áður var.

Hesthúsabyggð Þingeyringa er enn fremur að Söndum, og er heiti hennar Fellabyggð, sem dregur nafn sitt af Sandafelli, auk heldur ef litið er til fjalla blasa Vestfirsku Alparnir við sjónum manna. Í svo veglegri byggð er að sjálfsögðu kirkjusókn er nefnist Fellasókn. Kjörnir þar til starfa hafa verið hinir mætustu menn. Í upphafi þjónaði séra Tómas Jónsson söfnuðinum, en Tómas er nú látinn. Hélt hann uppi skikki og góðum siðum, einkum var hann rómaður fyrir tíðar „altarisgöngur“. Séra Hallgrímur Sveinsson tók við af Tómasi, en hann messar sjaldan og „altarisgöngur“ teljast nú til tíðinda. Heldur er kurr í söfnuðinum vegna þessa, og heyrst hafa þær raddir innan safnaðarins, að yfirgefa prestinn taki hann sig ekki á, og snúa til ásatrúar. Biskupinn var Gunnlaugur Sigurjónsson sem er nýfallinn frá, svo stefnir í kosningu nýs biskups. Biskupsritari er Steinar Jónasson, sem í þakkarávarpi að kjöri loknu kvaðst ekkert mundu skrifa, bara tala.


Hemmi Gunn var ráðinn hringjari að tilstuðlan séra Hallgríms. Hann hefur aldrei hringt þar sem í ljós hefur komið að hann kann ekki á bjöllurnar og finnur ekki hinn sanna klukknahljóm. Guðmundur Ingvarsson var kjörinn leikmaður númer eitt. Hefur hann ekki séð sér fært að sækja þing á síðari tíð sökum hins lamaða safnaðarstarfs. Þrátt fyrir þetta una hestamenn að öðru leyti vel sínum hag.

Guðmundur Ingvarsson.
« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30