A A A
  • 1969 - Ásta Sólveig Gýmisdóttir
  • 1975 - Guđrún Snćbjörg Sigţórsdóttir
  • 1975 - Gunnhildur Ţ. Sigţórsdóttir
  • 2001 - Svanhildur Björt Siggeirsdóttir
05.12.2016 - 06:32 | ruv.is,Vestfirska forlagiđ

Vilja stofna lýđháskóla á Flateyri

Flateyri viđ Önundarfjörđ. Ljósm.: RUV
Flateyri viđ Önundarfjörđ. Ljósm.: RUV

Stefnt er að því að lýðháskóli taki til starfa á Flateyri haustið 2018. Um 20-30 manns vinna nú að undirbúningi skólans sem mun nýta sér mannauð og umhverfi Flateyrar.

 

Undirbúningur að stofnun lýðháskóla á Flateyri hófst á haustmánuðum, þótt hugmyndin hafi verið lengi „á floti“ segir Runólfur Ágústsson sem er í stýrihópi verkefnisins: „Þessa stundina eru um 20-30 manns að vinna í sjálfboðasarfi að þessari hugmynd og framkvæmd hennar, skilgreina námslínur, sem er búið að gera í grófum dráttum, og hvað staðurinn og umhverfið hefur uppá að bjóða.“

Námsleiðirnar verða í tónlist, kvikmyndagerð, umhverfisfræði og fjallamennsku. „Lýðháskóli vinnur út frá hugmyndafræðinni að nýta það sem staðurinn hefur uppá á að bjóða,“ segir Runólfur. Stór hópur kvikmyndagerðarfólks hefur jafnan aðsetur á Flateyri, umhverfisfræðin verður að einhverju leyti í tengslum við háskólasetur Vestfjarða, fjallamennskan mun vera í tengslum við starf björgunarsveita og nýta sér umhverfi Flateyrar og á Flateyri er öflugt tónlistarlíf.

Lýðháskólar eru mjög algengir í Skandinavíu og Runólfur telur að tugir ef ekki hundruð Íslendinga sæki lýðháskóla erlendis á hverju ári. Á Íslandi er einungis starfandi einn lýðháskóli, Lungaskólinn á Seyðisfirði, en nú er einnig í undirbúningi þriðji skólinn, íþróttalýðháskóli á Laugarvatni. Engin lög hafa verið til um lýðháskóla á Íslandi en á síðasta ári lagði Björt framtíð fram þingsályktunartillögu um að unnið yrði að löggjöf um lýðháskóla hér á landi sem var svo samþykkt í sumar. Runólfur segir að forsvarsmenn lýðháskólans á Flateyri komi nú inn í þá vinnu hjá ráðuneytinu, ásamt skólunum á Seyðisfirði og á Laugarvatni. Stefnt er að því að í lýðháskólanum á Flateyri verði 20 til 80 nemendur.

„Við teljum hugmyndina raunhæfa og sterka og stefnum að því að skólastarf geti hafist haustið 2018,“ segir Runólfur.




« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör