A A A
  • 1967 - Hrafngerđur Ösp Elíasdóttir
Ólafur Steinţórsson frá Lambadal
Ólafur Steinţórsson frá Lambadal

Hrós dagsins fær Ólafur Steinþórsson frá Lambadal. Óli var sjómaður á ýmsum skipum frá Þingeyri, bóndi í Fremri-Hjarðardal lengi, ráðsmaður í Mjólká, svo er hann múrari og smiður, bæði á tré og járn, svo nokkuð sé nefnt. Maður hélt nú satt að segja að kallinn hefði verið á góðri leið með að drepa sig á múrverkinu í gamla daga, eins og fleiri af þeirri starfsstétt. Þeir hafa margir farið í bakinu og fleiru. En það var nú sem betur fer ekki. 

Óli hefur á seinni árum verið lykilmaður í hinu mikla hugsjónastarfi Eiríks Eiríkssonar Hálandahöfðingja á Felli við endurnýjun eldri mannvirkja á Þingeyri. Verkin sýna þar merkin. Ólafur er ótrúlega lagtækur og liðlegur smiður og nefndu það bara. Honum fellur aldrei verk úr hendi frekar en mörgum öðrum í hans ættgarði. Sívinnandi frá morgni til kvölds, en kann að gera sér glaðan dag ef slíkt er á dagskrá. Svo er nú skapferlið og almennt háttalag þannig, að hann kemur öllum í gott skap bara með því að láta sjá sig og er það ekki öllum gefið. Eiginkona Ólafs er heiðurskonan Bryndís Helgadóttir og eiga þau 2 börn. 

Við bræðurnir og Gaui veitum Ólafi Steinþórssyni hrós dagsins með heiðri og sóma.



« Ágúst »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31