A A A
  • 1981 - Brynhildur ElÝn Kristjßnsdˇttir
  • 1995 - Alexander Almar Finnbogason
  • 1996 - MargrÚt Unnur Borgarsdˇttir
29.04.2017 - 21:10 | Vestfirska forlagi­,Bla­i­ - Vestfir­ir,Bj÷rn Ingi Bjarnason,bb.is

Vestfir­ingum bo­nar heilsufarsmŠlingar Ý maÝ

Hjartaheill og SÍBS í samstarfi við sveitarfélög og Heilbrigðisstofnanir Vestfjarða og Vesturlands munu bjóða Vestfirðingum ókeypis heilsufarsmælingu 9.-12. maí næstkomandi.

Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun.

Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd. Send verða út boðsbréf á alla íbúa á Vestfjörðum.

Jafnframt verða niðurstöður mælinga kynntar í byggðarlögunum á Facebook og þátttakendum mun gefast kostur á að fá sínar niðurstöður sendar í tölvupósti ásamt heildarniðurstöðum, greindum eftir aldri og kyni, fyrir landsfjórðunginn. Oddvitar, bæjar- og sveitarstjórar munu opna mælingarnar í sinni heimabyggð. Guðmundur Löve framkvæmdastjóri SÍBS mun halda fræðsluerindi um lífsstílstengda sjúkdóma fimmtudaginn 11. maí kl. 12-13, um stóru myndina í heilbrigðismálum.

Fræðslufundurinn er í samstarfi við Fræðslumiðstöð Vestfjarða, verður haldinn á Ísafirði en hægt að taka þátt í gegnum fjarfundabúnað í fjarfundaverum á Vestfjörðum.

Mælingarnar verða sem hér segir:

Reykhólar:        9. maí frá kl. 12-14

Patreksfjörður:  9. maí frá kl. 18-20

Táknafjörður:    10. maí frá kl. 10-12

Bíldudalur:        10. maí frá kl. 10-12

Þingeyri:           10. maí frá kl. 16-18

Flateyri:            10. maí frá kl. 17-19

Ísafjörður:         11. maí frá kl. 10-14

Suðureyri:         11. maí frá kl. 15-17

Bolungarvík:      11. maí frá kl. 15-17

Drangsnes:        12. maí frá kl. 10-12

Hólmavík:          12. maí frá kl. 14-17


« Desember »
S M Ů M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31