A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
10.06.2015 - 11:00 | Björn Ingi Bjarnason

Vel heppnaðir tónleikar Vísis systkinanna á sjómannadaginn

Frá tónleikunum í Grindavíkurkirkju.
Frá tónleikunum í Grindavíkurkirkju.

Að kvöldi Sjómannadags í ár voru glæsilegir tónleikar í Grindavíkurkirkju þar sem afkomendur Palla og Möggu í Vísi heiðruðu minningu þeirra. Húsfyllir var á tónleikunum en tónlistarmaðurinn Jón Ólafsson var kynnir og fórst það vel út hendi. Tónleikarnir byrjuðu á því að barnabörn Palla og Möggu sungu þrjú lög eftir ömmu sína. Síðan tóku börnin og sungu lög sem að faðir þeirra hafði haldið uppá.

Með þeim á sviðinu voru valinkunnir hjóðfæraleikarar undir stjórn Vilhjálms Guðjónssonar og meðal gestasöngvara var enginn annar en Ragnar Bjarnason, konungur íslenskra sjómannalaga.

Til að minnast foreldra sinna hafa systkinin gefið út tvo hljómdiska. Nú kom út sjómannadiskurinn „Lögin hans pabba" en í tilefni af 80 ára afmæli Margrétar fyrir fimm árum gáfu þau út hljómdiskinn „Lögin hennar mömmu" með hennar eigin lögum. Báðir hljómdiskarnir voru til sölu í kirkjunni og víðar um helgina og allt andvirðið af sölunni rann til kirkjunnar í Grindavík.
 

Af. www.grindavík.is

 

Minningartónleikar á sjómannadaginn í Grindavík

 

Forseti Íslands, herra Ólafur Ragnar Grímsson, sótti minningartónleika sem haldnir eru í Grindavíkurkirkju á sjómannadaginn. Tónleikarnir voru helgaðir minningu Margrétar Sighvatsdóttur og Páls H. Pálssonar (frá Þingeyri) og fluttu börn þeirra lög og texta eftir Margréti sem og önnur sjómannalög.

 

Af. www.forseti.is

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31