A A A
05.09.2017 - 17:52 | Vestfirska forlagiš,Hallgrķmur Sveinsson,Björn Ingi Bjarnason

Vegageršin fęr prik: - Vegurinn yfir Hrafnseyrarheiši sjaldan eša aldrei veriš betri!

Séš til Hrafnseyrarheišar 14. jśnķ 2015. Kjaransbraut fyrir mišri mynd. Ljósm.: H. S.
Séš til Hrafnseyrarheišar 14. jśnķ 2015. Kjaransbraut fyrir mišri mynd. Ljósm.: H. S.

Þeir sem leið eiga yfir Hrafnseyraheiði þessa dagana verða varir við töluverða búningsbót þar um slóðir. Um daginn var nefnilega borið ofan í veginn yfir háheiðina, þar sem kallast Lönguvitleysa, kinnarnar báðar og talsvert niður á dalina sitt hvoru megin.

Ofaníburður var tekinn efst í horninu í kinninni að norðanverðu og fyrir neðan Skipadalinn að vestanverðu. Voru nokkrir stórir vörubílar þar að verki, ásamt Gunnari Gísla frá Ketilseyri, sem sá um ámoksturinn að vanda. Svo var dráttarvél með einhvers konar brjót á þrítengibeislinu sem bruddi grjótið saman við þennan fína salla. Að vísu nokkuð leirbundinn. Svo var náttúrlega hefillinn á tippnum! Vel að verki staðið sem stóð yfir í eina þrjá-fjóra daga.

Elstu menn, sem eru nú sumir orðnir nokkuð gamlir, halda því fram að umræddur vegur hafi sjaldan eða aldrei verið betri.

Gömlu vinirnir, jarðföstu steinarnir ásamt hinum skyldugu holum, eru nú komnir undir slitlag. Bravó Vegagerð og prik í safnið!

Úr því verið er að tala um Hrafnseyrarheiði, er rétt að nefna eitt. Það flýgur nefnilega fyrir að meiningin sé jafnvel að halda heiðinni opinni í allan vetur ef kleyft verður. Er það í sambandi við Dýrafjarðargöng að sjálfsögðu. Við seljum þetta þó ekki dýrara en við keyptum. Viljum við biðja lesendur Þingeyrarvefjarins að halda þessu fyrir sig. 

« September »
S M Ž M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör