Þau hjón Valdimar Steinþórsson og Þóra Gunnarsdóttir létu ekki hjá líða að bergja á hinu heilnæma vatni og fá sér í nesti. En auðvitað var það löngu eftir að hrafninn flaug yfir! Ljósm.: H. S.

Í mynni Dalsdals, utan Lokinhamra í Arnarfirði, er stór lind með mjög heilnæmu vatni. Það hafði að sögn lækningamátt við öllum mannlegum krankleika. Sá galli var á, að ekki var gott að ná því á réttan hátt, svo að það verkaði. Það varð sem sagt að ná því að morgni dags, áður en hrafn flygi yfir.

   Í Dalsdal var áður sérstök bújörð, sex hundruð að dýrleika að fornu mati. Dalurinn heyrir nú til Lokinhömrum. Þar hefur ekki byggð verið í margar aldir.
Svo segir Guðmundur G. Hagalín í Ég veit ekki betur bls. 73.