A A A
14.10.2008 - 23:30 | Tilkynning

Til skrafs og rß­ager­a fyrir Ýb˙a bŠjarins

Opinn fundur um efnahagsmál og þær þrengingar sem landsmenn standa frammi fyrir verður haldinn á 4. hæð Stjórnsýsluhússins á Ísafirði klukkan 20, miðvikudaginn 15.október. Á fundinum fer Halldór Halldórsson bæjarstjóri yfir stöðu mála og kynnir hugmyndir að viðbrögðum vegna atburða síðustu daga. Þá verður Jón Halldór Oddsson, fjármálastjóri og íþróttaþjálfari, með stutt erindi um lífsgildi og mikilvægi þess að halda líkamlegri og andlegri heilsu á álagstímum.

Að fundi loknum verða bæjarfulltrúar, embættismenn, forstöðumenn stofnana, stéttarfélaga og annarra félagasamtaka á skrifstofum vítt og breytt um húsið til skrafs og ráðagerða með íbúum Ísafjarðarbæjar. Fulltrúar Vinnumálastofnunar, Fjölmenningarseturs, Verkalýðsfélags Vestfirðinga og Rauða krossins eru meðal þeirra sem verða til taks, auk bæjarfulltrúa, bæjarstjóra, fjármálastjóra, forstöðumanns tæknideildar, bæjarritara og forstöðumanns Skóla- og fjölskylduskrifstofu.

« September »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30